انٹرنیٹ سروس بند کرنا کہاں کی دانشمندی ہے، سعید غنی

(24نیوز)  پیپلز پارٹی کے سینئر رہنما سعید غنی کا کہنا ہے کہ الیکشن کے روز موبائل فون اور انٹرنیٹ بند کرنا کہاں کی دانشمندی ہے۔

پی پی رہنما سعید غنی نے موبائل فون اور انٹرنیٹ سروس بند کرنے کے فیصلے پر شدید تنقید کی ہے۔ اُن کا کہنا تھا کہ اس عمل سے الیکشن پر بہت سارے سوالات اٹھیں گے۔

انہوں نے کہا کہ الیکشن کمیشن سے مطالبہ کرتا ہوں کہ فون سروس اور انٹرنیٹ بحال کیا جائے، امن و امان کی ذمہ داری حکومت کی ہے، الیکشن کے اتنے بڑے عمل کو متنازع بنانا کسی طور پر مناسب نہیں ہے۔

واضح رہے کہ ملک بھر میں موبائل فون سروس عارضی طور پر معطل کرنے کا فیصلہ کیا گیا ہے۔

مزید پڑھیں:  گورنر سندھ کی عوام سے ووٹ ڈالنے کی اپیل

ترجمان وزارت داخلہ کا کہنا ہے کہ ملک میں دہشت گردی کے حالیہ واقعات میں قیمتی جانوں کا ضیاع ہوا ہے، امن و امان قائم رکھنے، ممکنہ خطرات سے نمٹنے کے لیے حفاظتی اقدامات ضروری ہیں۔