وزیراعلیٰ مریم نواز کا آٹسٹک بچوں کیلئے فری تعلیم و تھراپی کا اعلان

(راؤ دلشاد)وزیراعلیٰ پنجاب مریم نواز شریف نے آٹسٹک بچوں (سپر ہیروز) کے لیے خصوصی اقدامات کا اعلان کر دیا۔

پنجاب میں "مریم نواز اسکول اینڈ ریسورس سینٹر فار آٹزم" کے قیام کا فیصلہ کیا گیا ہے، جو پاکستان کا پہلا اسٹیٹ آف دی آرٹ سرکاری ادارہ ہوگا۔

اس ادارے میں آٹسٹک بچوں کو عالمی معیار کی تعلیم، تھراپی، فری پک اینڈ ڈراپ، مفت کھانا، یونیفارم اور کتابیں فراہم کی جائیں گی۔

بورڈ آف ڈائریکٹرز نے منصوبے کی منظوری دیتے ہوئے کہا کہ آٹزم اسکول میں ٹیچر ٹریننگ اور ریسرچ کے لیے جدید ریسورس سینٹر بھی قائم کیا جائے گا۔

معاونِ خصوصی برائے اسپیشل ایجوکیشن ثانیہ عاشق کی سربراہی میں اجلاس میں داخلوں اور اسٹاف بھرتی کے عمل کو فوری شروع کرنے کا فیصلہ کیا گیا۔

So happy and grateful to share that my dream is finally becoming a reality, Alhamdulillah!
This project is something incredibly close to my heart.

I have always believed that every special child deserves a special space, one that nurtures their uniqueness, supports their… pic.twitter.com/fx3THjxZTt

— Maryam Nawaz Sharif (@MaryamNSharif) November 5, 2025

فیصلے کے مطابق ایوننگ شفٹ میں سیلف فنانسنگ پر آٹسٹک بچوں کو تھراپی سروسز کی سہولت بھی فراہم کی جائے گی۔

یہ بھی پڑھیں:طاقتور طوفان،ایمرجنسی نافذ ،تعلیمی ادارے بند

اجلاس میں سیکرٹری اسپیشلائزڈ ہیلتھ، سیکرٹری پرائمری اینڈ سیکنڈری ہیلتھ، سیکرٹری ایجوکیشن، سیکریٹری فنانس اور سیکرٹری ہائیر ایجوکیشن نے شرکت کی اور وزیراعلیٰ مریم نواز شریف کے وژن کو خراجِ تحسین پیش کیا۔

بورڈ کے اراکین نے آٹسٹک بچوں کے لیے پہلے سرکاری ادارے کے قیام پر وزیراعلیٰ سے اظہارِ تشکر کرتے ہوئے کہا کہ یہ اقدام خصوصی بچوں کے لیے ایک نئی امید کی کرن ثابت ہوگا۔