7 سالہ بچہ زیادتی کے بعد قتل۔۔لاش  کھیتوں سے برآمد

 (24نیوز)ڈسکہ کے نواحی گاؤں لدھے میں کھیتوں سے 7 سالہ بچے کی لاش ملی جسے زیادتی کے بعد تشدد کرکےموت کے گھاٹ اتار کیا گیا ۔

تفصیلات کے مطابق ڈسکہ کے تھانہ بمبانوالہ کی حدود میں واقع گاؤں لدھے میں 2روز  قبل گھر سے کھیلنے کے لئے نکلنے والا 7 سالہ زین لاپتہ ہوگیا تھا جس کی لاش قریبی کھیتوں سے ملی۔ بچے کو زیادتی کے بعد سر پر اینٹیں مار کر قتل کیا گیا تھا۔واقعے کی اطلاع ملتے ہی پولیس موقع پر پہنچ گئی اور سی سی ٹی وی کیمروں کی مدد سے گاؤں کے ہی ایک رہائشی وحید کو گرفتار کرلیا۔ دوران تفتیش ملزم نے اعتراف جرم کرلیا، اس نے اپنے اقبالی بیان میں کہا کہ اس نے زین کو زیادتی کے بعد سر میں اینٹیں مار مار کر ہلاک کیا اور لاش کھیتوں میں چھپا دی۔ پولیس کا کہنا ہے کہ ملزم وحید کے خلاف اغوا برائے زیادتی اور قتل کا مقدمہ درج کر لیا ہے، لاش کو پوسٹ مارٹم کے لئے ہسپتال بھجوادیا گیا ہے۔

یہ بھی پڑھیں: ماں کی لاش کو مہینوں تک بیٹی نے گھر میں کیوں رکھا؟۔جان کر رونگٹے کھڑے ہو جائیں