ہالی ووڈ اداکار کرسچن اولیور 2 بیٹیوں سمیت طیارہ حادثے میں چل بسے

(ویب ڈیسک)ہالی ووڈ کے 51 سالہ معروف اداکار کرسچن اولیور اپنی بیٹیوں 10 سالہ مدیتا اور 12 سالہ اینک سمیت طیارہ حادثے میں جان کی بازی ہار گئے۔

بھارتی میڈیا کے مطابق جرمن نژاد ہالی ووڈ اداکار کرسچن اولیور اپنی دو بیٹیوں کے ساتھ اس وقت ہلاک ہوئے جب ان کا چھوٹا طیارہ ٹیک آف کے چند لمحوں بعد بحیرہ کیریبین میں گر گیا،اولیور دو روز قبل اپنی بیٹیوں اور اپنی  نجی ملکیت طیارے کے پائلٹ کے ہمراہ انتقال کر گئے۔

دوسری جانب مقامی پولیس کا بتانا ہے کہ حادثہ پیش آنے کے بعد غوطہ خور اور کوسٹ گارڈز فوری طور پر جائے وقوعہ پر پہنچ گئے تھے جہاں سے چار لاشیں نکال لی گئی ہیں۔

یہ بھی پڑھیں: کورونا کے حملے پھر شروع،خطرے کی گھنٹی بج گئی

خیال رہے کہ اداکار اولیور ’’دی گڈ جرمن‘‘ اور 2008ء کی ایکشن کامیڈی فلم ’’اسپیڈ ریسر‘‘ میں معروف اداکار جارج کلونی کے ساتھ بڑے پردے پر نمودار ہوئے تھے۔