راولپنڈی دھماکہ:اسلام آباد کے پمز ہسپتال میں 28 لاشیں منتقل کی گئیں

(بابرشہزاد ترُک )راولپنڈی دھماکے کے بعد سے اب تک اسلام آباد کے پمز ہسپتال میں 28 لاشیں منتقل کی گئی ہیں جبکہ 105 زخمیوں کو ہسپتال منتقل کیا گیا ہے۔

ای ڈی پمز عمران سکندر نے بتایا کہ پولی کلینک میں لائے گئے زخمیوں اور جاں بحق افراد کی تفصیلات بھی جاری کر دی گئی ہیں ، عون عباس،ڈاکٹر عباس مہدی، ناصر علی کے جاں بحق ہونے کی اطلاعات ہیں۔

ہسپتال انتظامیہ کے مطابق ایک جاں بحق شخص کی شناخت نہیں ہو سکی ہے ، فیڈرل جنرل ہسپتال چک شہزاد میں 31 زخمی لائے گئے ہیں، نوجوانوں کی کثیر تعداد خون کے عطیات دینے پمز میں موجود ہے۔

یہ بھی پڑھیں :ملک میں 6 ہزار میگاواٹ بجلی پیداوار کے سولر لگ چکے: نیپرا حکام