کیپٹن کرنل شیرخان شہید کی 27 ویں برسی، صدر مملکت اور وزیراعظم کا خراج عقیدت

(ویب ڈیسک)کیپٹن کرنل شیرخان شہیدکی 27ویں برسی پرصدرمملکت آصف علی زرداری اوروزیراعظم شہبازشریف نے قومی ہیروکوخراج عقیدت پیش کرتےہوئے کہا ہے کہ وطن عزیزکا دفاع ایک مقدس فریضہ ہے، شہدا کی قربانیاں ہمیشہ یاد رکھی جائیں گی۔
صدرمملکت نےاپنےپیغام میں کہاکہ شہداءہماراقومی سرمایہ ہیں،قوم شہداءکی قربانیوں کی مقروض ہے، انہی قربانیوں نے پاکستان کےدفاع کوناقابلِ تسخیربنایا،شہیدکی لازوال قربانی ہمیشہ زندہ رہےگی۔
وزیراعظم شہبازشریف نےکیپٹن کرنل شیرخان شہیدکی قربانی اوربےمثال شجاعت کوسراہتے ہوئے کہاکہ ان کی بہادری عسکری تاریخ کاایک درخشاں باب ہے،وطن کے بیٹوں کی عظیم قربانیاں ہمارےامن اورخود مختاری کی ضامن ہیں،کسی بھی خطرے کے خلاف اپنی مسلح افواج کےساتھ شانہ بشانہ کھڑےہیں۔

یہ بھی پڑھیں:کارگل کی جنگ کے ہیرو کیپٹن کرنل شیر خان شہید کی آج برسی منائی جا رہی ہے
5 جولائی 1999 کو کارگل کے محاذ پر دشمن سے لڑتے ہوئے جامِ شہادت نوش کرنے والے کیپٹن کرنل شیر خان شہید کی جرأت اور بہادری کو قوم کا سلام ہے۔