سعودی عرب کی پاکستان کو تیل فراہمی کیلئے متبادل روٹ دینے کی یقین دہانی

(24نیوز)سعودی عرب نے پاکستان کو تیل فراہمی کیلئے متبادل روٹ دینے کی یقین دہانی کرا دی۔
وفاقی وزیر پیٹرولیم علی پرویز ملک نےسعودی سفیر نواف سعید المالکی سے ملاقات کی، سعودی سفیر نے ملاقات کے دوران وفاقی وزیر کو پاکستان کو تیل فراہمی کیلئے متبادل روٹ دینے کی یقین دہانی کرائی۔
علی پرویز ملک نےاس موقع پر کہا کہ سعودی عرب نے بندرگاہ یانبو کے ذریعے سپلائی کی سیکیورٹی کی یقین دہانی کرائی ہے، اس مشکل وقت میں پاکستان کی سپورٹ پر سعودی عرب کے شکرگزار ہیں ، امید ہے کہ بندرگاہ یانبو سے تیل کی سپلائی میں پاکستان کو ترجیح دی جائے گی۔
وفاقی وزیر پیٹرولیم نے مزیدکہا کہ پاکستان کی بیشتر پیٹرولیم سپلائی آبنائے ہرمز کے راستے آتی ہے، ان حالات میں سعودی عرب کی حمایت پاکستان کے لیے انتہائی اہمیت کی حامل ہے۔

#SaudiArabia has assured #Pakistan of full support in securing an alternative oil supply route through the Yanbu port@Official_PetDiv @AliPervaiz450 @KSAembassyPK #RadioPakistan #News https://t.co/zgEK9dApwr pic.twitter.com/4neQnTift6

— Radio Pakistan (@RadioPakistan) March 4, 2026

علی پرویز ملک نے کہاکہ پاکستان کیلئے خام تیل اٹھانے کیلئے ایک جہاز کو یانبو روانہ کرنے کی بھی حامی بھر لی گئی ۔

یہ بھی پڑھیں:ایران اسرائیل کشیدگی ؛متعدد ملکی اورغیر ملکی پروازیں منسوخ
سعودی سفیر نواف سعید المالکی نے اس موقع پرکہا کہ کسی بھی ہنگامی ضرورت کے پیش نظر پاکستان کے ساتھ بھرپور تعاون جاری رکھیں گے، پاکستان اور سعودی عرب آزمائش میں ایک دوسرے کے ساتھ کھڑے رہیں گے۔