واشنگٹن کے جنگلات میں لگی آگ بےقابو،700 عمارتیں تباہ،5 ہزار گھر خالی کرا لئے گئے

(ویب ڈیسک)امریکی ریاست واشنگٹن کے مشرقی علاقوں میں لگنے والی جنگل کی آگ پر قابو نہیں پایا جا سکا، جس کے باعث تقریباً 5 ہزار گھروں کو خالی کرا لیا گیا، جبکہ 700 کے قریب مکانات، کاروباری مراکز اور دیگر عمارتیں تباہ ہو گئیں۔
عالمی میڈیا کی رپورٹ کے مطابق ریاست کے دوسرے بڑے شہر سپوکین اور اس کے گرد و نواح میں بھڑکنے والی آگ تقریباً 21 مربع کلومیٹر رقبے تک پھیل چکی ہے۔

یہ آگ مغربی امریکا میں بھڑکنے والی درجنوں جنگل کی آگ کا حصہ ہے، جنہوں نے وفاقی، ریاستی اور مقامی اداروں کی آگ بجھانے کی صلاحیت کو شدید دباؤ میں ڈال دیا ہے۔

ادھر مغربی اڈاہو اور مشرقی اوریگن کے گھاس زاروں میں لگی ایک اور بڑی آگ پر قابو پانے کے لیے عملہ مسلسل دسویں روز بھی مصروف ہے۔

یہ بھی پڑھیں:دہشتگردی کیخلاف جنگ میں پولیس نے ہمیشہ ہراول دستے کا کردار ادا کیا:شہباز شریف

بلڈوزروں اور ہیلی کاپٹروں کی مدد سے جاری کارروائیوں کے باوجود یہ آگ تقریباً 1,360 مربع کلومیٹر رقبے کو اپنی لپیٹ میں لے چکی ہے۔