شاہ رخ خان کے گھر میں داخل ہونے کی کوشش کرنیوالے 2 افراد گرفتار 

(ویب ڈیسک) بالی ووڈ کنگ شاہ رخ خان کے گھر میں داخل ہونے کی کوشش کرنے والے 2 افراد کو پولیس نے گرفتار کرلیا ہے۔

بھارتی میڈیا کے مطابق، گزشتہ روز 2 افراد نے ’منت ہاؤس‘ کی بیرونی دیوار پھلانگ کر اندر داخل ہونے کی کوشش کی تھی، جنہیں اداکار کے سیکیورٹی گارڈز نے پکڑ کر باندرہ پولیس کے حوالے کردیا۔

رپورٹ میں یہ بھی بتایا گیا ہے کہ یہ واقعہ صبح 4 بجے کے قریب پیش آیا اور اس وقت اداکار اپنے گھر پر نہیں تھےاور دیر سے گھر واپس لوٹنے پر آتے ہی فوراَ سوگئے جس کے بعد گھر کے سیکیورٹی گارڈز نے احاطے میں چُھپے دونوں ملزمان کو پکڑا۔

مزید پڑہیں:شاہ رخ خان کی اہلیہ گوری خان کیخلاف مقدمہ درج 

پولیس نے دونوں افراد کو گرفتار کرنے کے بعد ان پر مختلف دفعات کے تحت مقدمہ درج کر لیا ہے۔

باندرہ پولیس کے مطابق، گرفتار کیے گئے دونوں افراد کا تعلق گجرات سے ہے اور وہ شاہ رخ خان سے ملنا چاہتے تھے۔

پولیس کہنا ہے کہ واقعے کی تفتیش ابھی جاری ہے اور اس سلسلے میں ملزمان کے گھر والوں اور گجرات پولیس سے بھی رابطہ کیا گیا ہے۔ البتہ، اس واقعے کے پیچھے ملزمان کے عزائم کے بارے میں فی الحال کچھ بھی یقین سے نہیں کہا جا سکتا۔