اسحاق ڈار کا سعودی ہم منصب سے رابطہ ، تنازعات کے حل کیلئے مذاکرات پر زور

(24نیوز)پاکستان کے نائب وزیراعظم و وزیر خارجہ اسحاق ڈار اور سعودی وزیر خارجہ فیصل بن فرحان کے درمیان ٹیلیفونک رابطہ ہوا ہے۔

دفترخارجہ سے جاری بیان کے مطابق ٹیلیفونک گفتگو کے دوران دونوں رہنماؤں نے خطے کی تازہ صورت حال پر تفصیلی تبادلہ خیال کیا، وزیر خارجہ اسحاق ڈار نے خطے میں کشیدگی بڑھانے والے اقدامات سے گریز کی ضرورت پر زور دیا۔

وزیر خارجہ اسحاق ڈار نے کہا کہ خطے کے تمام فریقین کو کسی بھی قسم کے اشتعال انگیز اقدام سےگریز کرنا چاہیے۔

انہوں نے علاقائی امن و استحکام کے مفاد میں مسائل کے حل کے لیے مذاکرات اور سفارت کاری کے ذریعے آگے بڑھنے کا مشورہ دیا۔

Deputy Prime Minister / Foreign Minister, Senator Mohammad Ishaq Dar @MIshaqDar50 spoke tonight to Saudi Foreign Minister HH Prince Faisal bin Farhan @FaisalbinFarhan.

Both leaders discussed the latest situation in the region.

DPM/FM stressed that all concerned in the region… pic.twitter.com/WGKpZj9Voc

— Ministry of Foreign Affairs - Pakistan (@ForeignOfficePk) January 2, 2026

جاری بیان کے مطابق دونوں ممالک کے وزرائے خارجہ نے علاقائی امن کے فروغ کیلئے قریبی رابطے اور تعاون جاری رکھنے پر بھی اتفاق کیا۔

یہ بھی پڑھیں:بھارت سے جنگ میں فتح کے بعد پاکستان کا وقار عالمی سطح پر بلند ہوا:رضوان شیخ