شب برات عقیدت و احترام سے منائی جا رہی ہے ،خصوصی عبادات کا اہتمام

(24 نیوز )شبِ برات رحمت، مغفرت اور بخشش کی بابرکت رات ہے، مسلمان  مقدس رات کو عقیدت و احترام کے ساتھ منانے میں مصروف ہیں۔

شہر بھر کی مساجد، درباروں اور عبادت گاہوں میں خصوصی عبادات کا اہتمام کیا جار ہا ہے ،  نمازیوں نے نوافل ادا کیے، قرآنِ پاک کی تلاوت کی، درود و سلام اور اجتماعی دعاؤں کا سلسلہ جاری ہے۔

اللہ تعالیٰ کے حضور گناہوں کی معافی،رزق میں برکت،بیماریوں سے شفا،ملک و قوم کی سلامتی اور اُمتِ مسلمہ کے اتحاد و ترقی کے لیے خصوصی دعائیں مانگی جارہی ہیں۔

شہر لاہور میں ہر طرف روحانیت کا سماں ہے، فضا ذکر و اذکار سے معطر  ہے،بزرگ ہوں یا نوجوان، بچے ہوں یا خواتین  سب ہی عبادت میں مصروف ہیں۔

یہ بھی پڑھیں :اسٹیٹ بینک کا5 فروری کو یوم کشمیر کے موقع پر عام تعطیل کا اعلان