پاکستانی ویمن بیڈمین کھلاڑی اولمپکس میں ملک کی نمائندگی کرینگی
Stay tuned with 24 News HD Android App
(24 نیوز)ٹوکیو اولمکپس میں شرکت کاحق حاصل کرنے والی قومی ویمن بیڈمنٹن چیمپئین ماہ حور شہزاد نے اسے خواب کی تعبیر قراردیتے ہوئے بلند عزائم کا اظہار کر دیا۔
تفصیلات کے مطابق پاکستان اولمپک ایسوسی ایشن کی تجویز پرعالمی بیڈمنٹن فیڈریشن اور اولمپک گیمز کے متعلقہ کمیشن نے انٹرنیشنل مقابلوں میں شاندار پرفارمنس کی بنیاد پرماہ حور کوٹوکیو اولمپکس میں شرکت کا موقعہ فراہم کیا ہے۔
اولمپک کی تاریخ میں پہلا موقعہ ہوگا کہ بیڈمنٹن کے کھیل میں خاتون کھلاڑی پاکستان کی نمائندگی کرے گی۔
2017 سے مسلسل قومی ویمن چیمپئین ماہ حور شہزاد نے میڈیاسے گفتگو کرتے ہوئے کہا کہ اولمپکس میں شرکت کرنا ہر کھلاڑی کا خواب ہوتا ہے، اپنی عالمی رینکنگ کوبہتر بنانے کے لئے ذاتی طور پرمسلسل محنت کرتے ہوئے اپنا حوصلہ بلند رکھا۔
والد سابق بیڈمنٹن کھلاڑی محمد شہزاد کی خصوصی توجہ اور ٹریننگ سے انٹرنیشنل مقابلوں میں بہتر پرفارمنس پیش کی اور اب والدین کی دعاوں اور چاہنے والوں کی نیک خواہشات کی بدولت سرخرو ہونے میں کامیاب ہو گئی ہوں۔
ماہ حورنے اپنے عزائم ظاہرکرتے ہوئے کہا کہ میں نے اولمپکس میں شرکت کی تصدیق کے بعد کوچ عمران کی زیرنگرانی خصوصی ٹریننگ کا آغاز کردیا ہے اور ٹوکیو اولمپکس میں بہتر نتائج پیش کرکے پاکستان کا نام روشن کرنے کی کوشش کروں گی، قوم میری کامیابی کے لیے دعا کرے۔
ماہ حور شہزاد نے کہا کہ ٹوکیو اولمپکس میں میری شرکت یقینی بنانے میں پی او اے کے صدر سیدعارف حسن اور پاکستان بیڈمنٹن فیڈریشن کے سیکرٹری واجد علی نےاہم کردار ادا کیا۔
یہ بھی پڑھیں:میاں بیوی لڑائی کے دوران بالکونی سے نیچے آ گرے