ملک بھرمیں یوٹیلٹی اسٹورز 10 جولائی سے بند کرنے کا فیصلہ

(ویب ڈیسک)وفاقی حکومت نے ملک بھر میں تمام یوٹیلیٹی اسٹورز 10 جولائی سے مکمل طور پر بند کرنے کا فیصلہ کر لیا ۔

وزیراعظم کی ہدایت پر یوٹیلٹی اسٹورز کے پانچ ہزار سے زائد ملازمین کو سرپلس پول میں شامل کر دیا گیا ہے،ان ملازمین کو رضاکارانہ سیپریشن سکیم آفر کی جائے گی۔

یوٹیلٹی سٹورز کارپوریشن کے ایم ڈی کی زیرصدارت ہونےوالے اجلاس میں اس حوالے سے اہم فیصلے کیے گئے،اجلاس کے بعد جاری کیے گئے اعلامیے کے مطابق آج سے ملک بھر کے تمام فعال یوٹیلیٹی اسٹورز کا آپریشن بند کرنے کا عمل شروع کر دیا گیا ہے۔

یہ بھی پڑھیں:معروف کار ساز کمپنی نے گاڑیوں کی قیمتیں بڑھا دیں

اجلاس میں یہ بھی فیصلہ کیا گیا کہ اسٹورز پر موجود تمام سامان کو مرحلہ وار ویئر ہاؤسز میں منتقل کیا جائے گا، جہاں متعلقہ حکام کی نگرانی میں سامان واپس یا نیلام کیا جائے گا۔