ملائیکہ اروڑا کا سابق شوہر ارباز خان کیساتھ فیملی ڈنر، ویڈیو ز منظر عام پر آگئی
Stay tuned with 24 News HD Android App
(ویب ڈیسک) بالی ووڈ اداکارہ و ماڈل ملائیکہ اروڑا نے اپنے سابق شوہر ارباز خان اور اُن کی فیملی کے ساتھ ڈنر کیا جس کی ویڈیو سوشل میڈیا پر وائرل ہورہی ہے۔
ارباز خان سے طلاق کے باوجود بھی ملائیکہ اروڑا کے اپنے سابقہ سُسرالیوں کے ساتھ اچھے تعلقات برقرار ہیں، 29 مارچ کو ممبئی میں ارباز خان اور ملائیکہ اروڑا کے بیٹے ارہان خان کے پوڈکاسٹ لاؤنچ کی تقریب رکھی گئی جس کے لیے فیملی ڈنر کا اہتمام کیا گیا تھا، اس فیملی ڈنر میں ناصرف ارباز خان کے خاندان والوں اور دوسری اہلیہ شوریٰ خان نے شرکت کی تھی بلکہ ملائیکہ اروڑا بھی فیملی ڈنر کا حصہ تھیں، اُنہوں نے اپنی والدہ، بہن امریتا اروڑا اور بھانجے کے ہمراہ فیملی ڈنر میں شرکت کی۔
وائرل ویڈیو میں دیکھا جاسکتا ہے کہ سلمان خان اور ارباز خان کے والد سلیم خان میڈیا کے فوٹوگرافرز کے سامنے پوز دے رہے ہیں جبکہ ملائکہ اروڑا پیچھے اپنی والدہ کے ساتھ کھڑی ہوئی ہیں،اس کے علاوہ، ایک ویڈیو میں ارباز خان اور اُن کی دوسری اہلیہ شوریٰ خان کو گاڑی سے اُترتے ہوئے بھارتی میڈیا کے سامنے پوز دیتے ہوئے دیکھا جاسکتا ہے۔
ارباز خان اور ملائیکہ اروڑا کے خاندان کے علاوہ روینہ ٹنڈن نے بھی اس فیملی ڈنر میں شرکت کی تھی کیونکہ وہ ارباز اور شوریٰ خان کی قریبی دوست ہیں۔
واضح رہے کہ ارباز خان کی پہلی شادی دسمبر 1998 میں ملائیکہ اروڑا سے ہوئی تھی، 19 سال بعد مئی 2017 میں دونوں میں طلاق ہوگئی تھی، اس جوڑی کا بیٹا بھی ہے جس کا نام ارہان خان ہے۔پہلی شادی میں ناکامی کے بعد ارباز خان نے دسمبر 2023 میں میک اپ آرٹسٹ شوریٰ خان سے دوسری شادی کی، ان کے نکاح کی تقریب اُن کی بہن ارپیتا خان شرما کے گھر منعقد کی گئی تھی۔
یہ بھی پڑھیں : اسلام آباد سے کوئٹہ جانیوالی پرواز پی کے 325 سے پرندہ ٹکرا گیا