ٹی ٹوئنٹی ورلڈ کپ: آج پاکستان اور نیدرلینڈز آمنے سامنے ہوں گے

(ویب ڈیسک) ٹی ٹوئنٹی ورلڈ کپ میں پاکستان اپنا تیسرا میچ آج نیدرلینڈز کے خلاف کھیلے گا۔

پاکستان ٹیم ٹورنامنٹ میں اب تک کوئی میچ نہیں جیت سکی ہے، قومی ٹیم ابتدائی دو میچز میں زمبابوے اور بھارت کے ہاتھوں ہونے والی شکستوں کو بھلا کر آگے بڑھنے کیلئے پرامید ہے۔

دوسری جانب آج پاکستان کے میچ کے دوران ہوا اور بارش کا امکان ہے، پرتھ میں مقامی وقت کے مطابق دن دو سے چار بجے تک بارش کی پیش گوئی کی گئی ہے۔

پرتھ میں پاکستان ٹیم آج کے میچ کیلئے بھر پور ٹریننگ سیشنز کر چکی ہے، میچ پاکستانی وقت کے مطابق دوپہر 12 بجے شروع ہو گا۔