بے نظیر بھٹو کے مجسمے کی تقریب رونمائی، بلاول بھٹو کی شرکت

(ویب ڈیسک) وزیرخارجہ بلاول بھٹو زرداری اپنی والدہ پاکستان کی سابق خاتون وزیر اعظم بے نظیر بھٹو کے موم کے مجسمے کی تقریب رونمائی میں شرکت کی۔

میڈیا رپورٹ کے مطابق نظیر بھٹو کے مجسمے کی رونمائی دبئی کے مادام تساؤ میوزیم میں ہوئی، جس میں وزیر خارجہ دیگر کے ہمراہ شریک ہوئے۔

سابق خاتون وزیراعظم کے مجسمے کی تصاویر بھی شئیر کی گئی ہیں۔ جس میں دیکھا جاسکتا ہے کہ بلاول بھٹو زرداری اپنی والدہ کے مجسمے کے ہمراہ کھڑے ہیں۔

بے نظیر بھٹو پاکستان کی پہلی شخصیت ہیں جن کا مجسمہ دبئی کے مادام تساؤ میوزیم میں رکھا گیا ہے۔

دو مرتبہ سابق وزیراعظم رہنے والی بے نظیر پاکستان پیپلز پارٹی کی چیئرپرسن تھیں۔ انہیں 27 دسمبر 2007ء کو راولپنڈی میں 54 سال کی عمر میں انتخابی مہم کے دوران قتل کردیا گیا تھا۔

???? FM @BBhuttoZardari attended the unveiling of the wax figure of Former PM Shaheed Mohtarma Benazir Bhutto at an event held at @Tussauds_Dubai in UAE ???????? today. She is the first Pakistani whose wax figure is displayed at Madame Tussauds Dubai. pic.twitter.com/iI3HJQCbba

— Spokesperson ???????? MoFA (@ForeignOfficePk) July 30, 2023

دفتر خارجہ کے مطابق متحدہ عرب امارات کے سرکاری دورے کے دوران وزیر خارجہ بلاول اپنے ہم نصب خارجہ شیخ عبداللہ بن زید النہیان سے بھی ملاقات کریں گے۔

دونوں شخصیات دوطرفہ تعلقات کے تمام پہلوؤں پر تبادلہ خیال کریں گے۔ بلاول بھٹو شیخ سعید بن زاید کے انتقال پر متحدہ عرب امارات سے تعزیت بھی کریں گے جو کہ صدر مملکت شیخ محمد بن زاید کے بھائی ہیں۔

دفتر خارجہ کے بیان میں کہا گیا ہے کہ دونوں ممالک برادرانہ تعلقات کو مستحکم کرنے اور باہمی اقتصادی شراکت داری کو مزید گہرا کرنے کیلئے پُرعزم ہیں۔