پاکستان سعودی عرب، یو اے ای کشیدگی ختم کرانےکیلئےمتحرک

(اویس کیانی)پاکستان سعودی عرب اور یو اے ای کے درمیان کشیدگی ختم کرانے کے لیے متحرک ہو گیا ہے، وزیراعظم شہباز شریف کی قیادت میں وفد نے یو اے ای کے صدر سے ملاقات کی  جہاں وزیراعظم نے مشرق وسطیٰ کی موجودہ صورتحال پر پاکستان کا مؤقف دہرایا۔

ذرائع کے مطابق پاکستان نے ملاقات میں اپنی کوششوں اور ثالثی کے اقدامات پر روشنی ڈالی اور سعودی عرب کے بعد یو اے ای کو بھی اعتماد میں لیا گیا، وزیراعظم شہباز شریف نے یمن کی صورتحال پر تحمل کا مظاہرہ کرنے پر زور دیا اور معاملے کو طاقت کے بجائے افہام و تفہیم کے ذریعے حل کرنے کی تجاویز پیش کیں۔

ملاقات کے دوران وزیراعظم نے دونوں برادر ممالک میں کشیدگی ختم کرانے کے لیے پاکستان کے کردار کی پیشکش بھی کی۔

 ذرائع کا کہنا ہے کہ سعودی وزیر خارجہ سے رابطے کے بعد یو اے ای صدر کو اعتماد میں لیا گیا،وزیراعظم کی قیادت میں وفد ملاقات کے بعد واپس رحیم یار خان روانہ ہو گیا۔

یہ بھی پڑھیں: مسلم لیگ ن ملک کی ماں ہے،پی ٹی آئی جو کھیل کھیل رہی ہے،یہ دشمنوں کا آلہ ہے؛احسن اقبال