پی ایس او کا گردشی قرض 812ارب روپے سے تجاوز 

(ویب ڈیسک) سرکاری آئل مارکیٹنگ کمپنی پاکستان اسٹیٹ آئل (پی ایس او) کا گردشی قرض 812 ارب روپے سے تجاویز کرگیا۔

دستاویزات کے مطابق پی ایس او کا گردشی قرض 812ارب روپے سے تجاویز کرگیا جس میں سوئی ناردرن کے ذمے پی ایس او کے 529ارب سے زائد بقایا جات ہیں جبکہ پاور سیکٹر نے 185ارب 70 کروڑ روپے کا ادھار تیل لے رکھا ہے۔

پاور سیکٹر میں سب سے بڑے ڈیفالٹر جنکوز اور سی پی پی ہیں، جنکوز اور سی پی پی نے پی ایس او کو 150ارب سے زائد ادا کرنے ہیں، حبکو نے 29 ارب 82 کروڑ اور کیپکو نے 5 ارب کی ادائیگی نہیں کی۔

مزید پڑھیں:  بھارت کے 26 ٹکڑے ہونے کا خدشہ،مودی سرکار سر پکڑ کر ہیٹھ گئی

دستاویزات کے مطابق حکومت اور پی آئی اے کے ذمے پی ایس او کے 96ارب 80کروڑ کے بقایا جات ہیں، پی ایس او نے بھی آئل ریفائنز کو 153 ارب 40 کروڑ کی ادائیگی کرنی ہے۔