سورج  آج خانہ کعبہ کے عین اوپر ہوگا

(ویب ڈیسک) آج سورج خانہ کعبہ کے عین اوپر ہوگا جس کے باعث خانہ کعبہ کا سایہ ختم ہوجائےگا۔

جدہ فلکیاتی کمیٹی کے بیان میں کہا گیا ہے کہ فلکیاتی حساب کے مطابق سورج خانہ کعبہ کے اوپر 90 ڈگری کے زاویے پر ہوگا، اس صورت حال میں سورج خانہ کعبہ کے متوازی یعنی ایک ہی خط عمود پر آجاتا ہے جس کی وجہ سے خانہ کعبہ کا سایہ دکھائی نہیں دیتا۔

پاکستانی وقت کے مطابق دن کے 2 بج کر 26 منٹ پر سورج خانہ کعبہ کے عین اوپر آئےگا۔

مزید پڑھیں:  موٹروے پر ایم ٹیگ کی سہولت اسلام آباد۔پشاور اور ہزارہ موٹروے پر 29 سے 31 مئی تک معطل

سورج کے خانہ کعبہ کے عین اوپر آنے سے پوری دنیا کے مسلمان قبلے کی سمت کا درست تعین قطب نما کے بغیر بھی کرسکتے ہیں۔

واضح رہے کہ سال میں دو بار سورج خانہ کعبہ کے ٹھیک اوپر  آتا ہے۔