کئی با ر بالی وڈ میں کام کی پیشکش ہوئی مگر میں نے انکا ر کیا ۔۔مہوش حیات کا انکشاف

 (ما نیٹرنگ ڈیسک)اداکارہ مہوش حیات کا کہنا ہے کہ انہیں کئی  با ر بالی وڈ فلموں میں کام کرنے کی پیشکش ہوئی تھی لیکن انہوں نے انکار کردیا تھا۔

نجی ٹی وی کو انٹرویو دیتے ہوئے کہا کہ انہوں نے کہانی اور کردار پسندنہ آنے کی وجہ سے بالی وڈ کے متعدد فلموں میں کام کرنے سے انکارکیا۔

مہوش حیات نے بتایا کہ ’مجھے بالی وڈ سے بہت سی آفرز آئیں، ایک وقت تھا جب پاکستانی سینما مکمل طور پر بند ہوچکے تھے ، اور ہر دوسرے اداکار وں  کی طرح میں نے بھی فلموں میں کام کرنے کا خواب دیکھا تھا لیکن کبھی فلم کی کہانی اور کبھی کردار مجھے متاثر نہیں کرسکا ۔

ایک سو ا ل کے جوا ب میں اداکارہ نے پاکستان کےلیے کام کرنے کے بارے میں اپنی ذہنیت کی وضاحت کرتے ہوئے بتایا کہ انہوں نے کبھی بھی سرحد پار سنیما میں کام کرنے کے لیے زیادہ دلچسپی نہیں لی۔انہوں نے مزید کہا کہ ’انہوں نے کبھی نہیں سوچا تھا کہ اگر بالی وڈ فلموں میں کام کرنے کا موقع ملا تو وہ یقینی طور پر صرف اس وجہ سے کام کریں گی کہ یہ ایک بالی وڈ فلم ہے۔ 

مہوش حیات نے کہا کہ ’ان کی اپنی ذہنیت ہے ، بالی وڈ نےانہیں کبھی زیادہ متوجہ نہیں کیا اور ان کے خیال میں پاکستانی سنیما کی بحالی کے بعد انہیں یہاں بہت سے مواقع اور پہچان ملی ہے لہذا کام کی تلاش میں بالی ووڈ جانے کی ضرورت نہیں ہے۔

یہ بھی پڑھیں:با لی وڈ کی بدنا می۔۔قریبی دوستوں نے شلپا شیٹھی سے را ہیں جدا کر لیں