امریکی جنرل لی کے مجسمے کے نیچے سے  130 سال پرانا ٹائم کیپسول برآمد

(مانیٹرنگ ڈیسک) امریکا میں ساؤتھ کے معروف  جنرل رابرٹ ایچ لی  کے مجسمے کے نیچےسے 130 برس پہلے دفن کیا گیا تانبے کا ڈبہ دریافت ، ڈبے میں تاریخی اشیا رکھی گئی ہیں ۔

 سال 1887 میں شائع ہونے والے ایک آرٹیکل میں بتایا گیا ہے کہ یہ ٹائم کیپسول جنرل رابرٹ لی کے مجسمے کے نیچے دفن تھا اور اس میں بٹن اور گولیوں جیسی اشیا، کانفیڈریٹ کی کرنسی، نقشے، مقتول صدر ابراہم لنکن کی نایاب تصویر اور دیگر چیزیں موجود ہیں۔

یادرہے جنرل رابرٹ لی نے خانہ جنگی کے دوران شمالی ورجینیا کی فوج کی سربراہی کی تھی۔ وہ روایتی طور پر غلامی کی حامی ساؤتھ  کے رہنما تھے

 
 
امریکی ریاست ورجینیا کے گورنر ریلف نارتھیم نے ٹویٹ کی کہ ’انہوں نے اسے ڈھونڈ لیا ہے۔ یہ ممکنہ طور پر وہ ٹائم کیپسیول ہے جس کی سب کو تلاش تھی۔ ان کا کہنا تھا کہ اس ڈبے کا ایکس رے کر لیا گیا ہے اور اس کو منگل کو کھولا جائے گا۔

X-rays give a first look inside the time capsule: Experts believe there may be coins, books, buttons, and even ammunition from the Civil War.

The box will be opened tomorrow at 1:00 PM! pic.twitter.com/zyVWoHa61o

— Governor Ralph Northam (@GovernorVA) December 27, 2021

 
ٹائم کیپسیول سے مراد ایسا کنٹینر ہے جس میں تاریخی اشیا ہوتی ہیں اور انہیں آئندہ نسلوں کے لئے زیر زمین دفن کیا جاتا ہے تاکہ وہ اسے دریافت کرکے اپنے ماضی کے متعلق جان سکیں۔

مجسمے کے نیچے سے ملنے والے ایک علیحدہ ڈبے کو گذشتہ ہفتے کھولا گیا تھا تاہم 1887 کے نیوز آرٹیکل میں جس ٹائم کیپسیول کے بارے میں بتایا گیا تھا، اس میں وہ چیزیں نہیں پائی گئیں تھیں۔