پاکستان کا یورپ سمیت 3 ممالک سے مزید 20 فیصد پروازیں بڑھانے کا فیصلہ

 (مانیٹرنگ ڈیسک) کورونا کی شدت میں کمی کے باعث این سی او سی نے برطانیہ، یورپ، کینیڈا، چین اور ملائیشیا سے مزید بیس فیصد پروازیں بڑھانے کا فیصلہ کیا ہے۔
 تفصیلات کے مطابق وزارت خارجہ، وزارت داخلہ سمیت دیگر متعلقہ اداروں کو جاری کئے گئے مراسلے میں کہا گیا ہے کہ پری بورڈنگ اور آمد کے وقت موجودہ ٹیسٹنگ پروٹوکول ایک جیسے ہی رہیں گے، مزید بیس فیصد پروازوں کی اجازت ملنے سے اب چالیس فیصد تک پروازیں چلائی جائیں گی۔
این سی او سی نے وزارت خارجہ کو تمام پاکستان ہائی کمشنرز اور سفارت خانوں کو آگاہ کرنے کی ہدایت دی ہے، نئی پالیسی کا اطلاق یکم جولائی سے ہوگا۔
 یہ بھی پڑھیں: تعلیمی اداروں میں 2 جولائی سے 15 اگست تک چھٹیاں دینے کی تجویز