پشاور،  بلدیاتی حلقہ بندیوں کے حوالے سے نوٹیفکیشن جاری

(24نیوز) بلدیاتی انتخابات کے لیے صوبائی دارالحکومت کو 7 تحصیلوں میں تقسیم کردیا گیا ۔پشاور سٹی کونسل کل 194 ارکان پر مشتمل ہوگی۔

تفصیلات کے مطابق خیبرپختونخوا حکومت نے پشاور میں بلدیاتی حلقہ بندیوں کے حوالے سے نوٹی فکیشن جاری کردیا ہے۔ جس کے مطابق ڈسٹرکٹ پشاور کو 7 تحصیلوں میں تقسیم کیا گیا ہے،جن میں پشاور سٹی، بڈھ بیر، چمکنی، حسن خیل، شاہ عالم، پشتخرہ اور متھرا شامل ہیں۔پشاور سٹی کونسل 9 ویلج کونسل اور 121 نیبرہوڈ کونسلز پر مشتمل ہے، پشاور سٹی کونسل کل 194 ارکان پر مشتمل ہوگی جس میں 130 جنرل، 43 خواتین، 7، مزدور کسان، 7 یوتھ اور 7 اقلیتی ارکان شامل ہوں گے۔

  واضح رہےاس کے علاوہ بڈھ بیر کو 37 ویلج کونسل پر تقسیم کیا گیا جب کہ نیبرہوڈ کونسل نہیں ہوگی، چمکنی کو 42 ویلج کونسل اور 4 نیبرہوڈ کونسل، شاہ عالم کو 41 ویلج کونسل اور دو نیبرہوڈ کونسل، پشتخرہ کو 34 ویلج کونسل 2 نیبرہوڈ کونسل، متھرا 53 ویلج کونسل ایک نیبرہوڈ کونسل پر تقسیم کیا گیا ہے جبکہ حسین خیل تحصیل میں گیارہ ویلج کونسل شامل کی گئی ہیں۔