معروف ماڈل نے پریمیئر پر پروڈیوسر کی چپل سے دھلائی کردی،ویڈیووائرل
Stay tuned with 24 News HD Android App
(ویب ڈیسک)معروف ماڈل نے فلم کے پریمیئر پر پروڈیوسر کی چپل سے دھلائی کردی جس کی ویڈیوبھی سوشل میڈیاپروائرل ہوگئی ہے۔
ماڈل و اداکارہ روچی گُجر نے بھارتی فلم ’’سو لانگ ویلی‘‘ کے پروڈیوسر کرن سنگھ کے خلاف مبینہ طور پر 23 لاکھ روپے کی دھوکہ دہی کا الزام عائد کیا ہے۔
بھارتی میڈیا کے مطابق جمعہ کی رات فلم کے پریمیئر کے موقع پر روچی گُجر نے سٹیج پرموجود کرن سنگھ کو چپل دے ماری جس کی ویڈیوز سوشل میڈیا پر وائرل ہوگئیں،پولیس کے مطابق اس واقعے سے ایک روز قبل اوشیوارا پولیس سٹیشن میں ایف آئی آر درج کی گئی تھی جس میں دھوکہ دہی کی مختلف دفعات شامل ہیں۔
ماڈل واداکارہ کی جانب سےالزام لگایاگیاہے کہ کرن سنگھ نے ان سے 23 لاکھ روپے اس وعدے پر لیے تھے کہ انہیں ایک ٹی وی پروجیکٹ میں حصہ، منافع کا شیئر اور سکرین کریڈٹ دیا جائے گالیکن مبینہ طور پر وعدے پورے نہ کیے گئے جس پر انہوں نے قانونی کارروائی کا فیصلہ کیا۔
یہ بھی پڑھیں:سیف علی خان حملہ کیس میں اہم پیش رفت سامنے آگئی
ممبئی پولیس نے اس حوالے سے تحقیقات شروع کر دی ہیں اور متعلقہ شواہد اکٹھے کیے جا رہے ہیں جس کے بعد قانون کے مطابق کارروائی کی جائے گی۔