رشمیکا مندانا اور وجے دیوراکونڈا آج ادے پور میں 2 روایات کے تحت شادی کرینگے

(ویب ڈیسک)معروف تیلگو فلمسٹارز رشمیکا منڈانا اور وجے دیوراکونڈا آج شادی کے بندھن میں بندھنے جا رہے ہیں۔
اس جوڑی کی شادی اُدے پور کے عالیشان ہوٹل آئی ٹی سی میمنٹوز میں ہو گی،جوڑے نے دونوں خاندانوں کی روایات کو ملحوظ رکھتے ہوئے شادی 2 مختلف رسومات کے تحت کرنے کا فیصلہ کیا ہے۔ 
 پہلے وجے دیوراکونڈا کے خاندان کے لیے روایتی تیلگو شادی منعقد کی جائے گی جبکہ شام میں رشمیکا مندانا کے خاندان کے لیے کورگ (کوڈاوا) رسم ادا کی جائے گی۔
واضح رہے کہ اس جوڑی کی پری ویڈنگ تقریبات گزشتہ 3 روز سے جاری ہیں،گزشتہ روز دوپہر ہلدی، شام 7 سے 8 بجے مہندی اور بعد ازاں سنگیت کی محفل کا اہتمام کیا گیاتھا۔ 
اس سے قبل دلہن اور دلہا کے خاندانوں کے درمیان ایک دوستانہ کرکٹ میچ بھی کھیلا گیاتھا جسے ’’ویروش پریمیئر لیگ‘‘ کا نام دیا گیا تھا، اس شادی کو ’’ویروش ویڈنگ‘ ‘کہا جا رہا ہے جو وجے اور رشمیکا کے ناموں کا امتزاج ہے۔

یہ بھی پڑھیں:سیف علی خان سے شادی کے بعد رمضان کے روزے؟ کرینہ کا بیان آگیا
رشمیکا اور وجے کی شادی کی تقریب میں تقریباً 100 مہمان شریک ہوں گے جن میں خاندان، دوست اور فلم انڈسٹری کی شخصیات شامل ہیں،تیلگو فلم انڈسٹری کے کئی معروف نام اُدے پور پہنچ چکے ہیں۔
یاد رہے کہ وجے دیوراکونڈا اور رشمیکا منڈانا کی منگنی اکتوبر 2025ء میں حیدرآباد میں ایک نجی تقریب میں ہوئی تھی۔