رونالڈو کا انوکھے انداز میں گول، شائقین حیران رہ گئے، ویڈیو وائرل

( ویب ڈیسک )عالمی شہرت یافتہ فٹبالر کرسٹیانو رونالڈو نے 40 سال کی عمر میں بھی نوجوان فٹبالرز کو پیچھے چھوڑتے ہوئے انوکھے انداز میں گول کرکے شائقین کو ورطہ حیرت میں ڈال دیا۔

پرتگال کے کرسٹیانو رونالڈو اپنی اسی ہی مہارت، مکمل عبور اور سبک رفتاری کے باعث دنیا کے مقبول ترین فٹبالر بن چکے ہیں۔

رونالڈو جب سے سعودی عرب کی ایک لیگ سے جڑے ہیں تب سے ان کی مقبولیت کو مزید چار چاند لگ گئے ہیں۔

Call it skill, call it instinct… we call it Ronaldo pic.twitter.com/diFN85oBCI

— AlNassr FC (@AlNassrFC_EN) November 23, 2025

ایسے ہی ایک میچ میں اسٹار فٹبالر نے ایک ایسا شاندار اوورہیڈ بائی سائیکل کک گول کیا جسے دیکھنے والے شائقین حیران رہ گئے۔

40 سالہ فٹبالر نے یہ بہترین گول 96 ویں منٹ میں کیا جس وقت کہ عمومی طور پر کھلاڑی تھک چکے ہوتے ہیں۔ اس سے ان کی فٹنس کا اندازہ بخوبی لگایا جاسکتا ہے۔

 یہ شاندار گول ان کے کیریئر کا 954 واں گول تھا۔ اس گول کو موجودہ سیزن کے بہترین گولز میں شامل کیا جا رہا ہے۔