عزاداری کی سکیورٹی؛ کمشنر مریم خان سی پی اور ڈی سی کے ساتھ خود نثار حویلی پہنچ گئیں

(24نیوز)   لاہور میں  شب ِعاشور  سکیورٹی انتظامات کا جائزہ لینے کے لئے سی سی پی اولاہور اورکمشنر لاہور  خود بھی نثار حویلی پہنچ گئے۔ 
کمشنر مریم خان اور  سی سی پی او بلال صدیق کمیانہ  نے نثار حویلی جا کر تمام علاقہ میں سکیورٹی کے انتظامات کا خود جائزہ لیا۔  لاہور کے  ڈپٹی کمشنر ، ڈی آئی جی( آپریشنز)، ایس ایس پی( آپریشنز) اور ایس پی( سٹی) بھی کمشنر مریم خان کے ہمراہ تھے۔

سی سی پی او نے شبیہ ذوالجناح کی نثار حویلی سے برآمدگی سے قبل سکیورٹی انتظامات کا معائنہ کیا اور کہا کہ یومِ عاشور کے جلوسوں اور مجالس کی فول پروف سکیورٹی یقینی بنائی جارہی ہے۔

بلال صدیق کمیانہ نے کہا کہ  عشرہ محرم کے دوران پولیس ِ، انتظامیہ اور قانون نافذ کرنے والے ادارے دن رات فیلڈ میں موجود ہیں۔ کیو آر کوڈ اور پینک بٹن کے ذریعے سکیورٹی کو مزیدموثر بنایا جارہا ہے۔ عزاداروں کی حفاظت کے لیے چار درجاتی سکیورٹی قائم کی گئی ہے۔

بلال صدیق کمیانہ نے مزید بتایا کہ علمائے کرام، منتظمین اور لائسنس ہولڈرز سے مسلسل قریبی رابطے میں رہیں۔  عاشورہ کے جلوسوں اور مجالس کے اختتام تک سکیورٹی ہائی الرٹ رہے گی۔ 

یہ بھی پڑھیئے:   نثار حویلی میں ذوالجناح کی ماتم و گریہ کی صداؤں کے درمیان برآمدگی