راولپنڈی: لڑکی سے پرس چھینتے ہوئے زمین پر گرانے والا ملزم گرفتار

(مانیٹرنگ ڈیسک) لڑکی سے انتہائی بے رحمانہ طریقے سے پرس چھین کر اسے زخمی کرنے والے ملزم کو پولیس نے گرفتارکرلیا۔
ترجمان راولپنڈی پولیس کے مطابق گرفتار ملزم کی شناخت انیس اقبال کے نام سے ہوئی ہے۔ سٹی پولیس آفیسر (سی پی او) محمد احسن یونس نے واقعہ کا نوٹس لیتے ہوئے ملزم کی فوری گرفتاری کے احکامات دیئے تھے۔ دوران گرفتاری ملزم نے پولیس پر فائر کرنے کی کوشش کی جس دوران ملزم کو اپنے ہی پسٹل سے دائیں کلائی پر فائر لگا۔

راولپنڈی پولیس نے خاتون سے پرس سنیچنگ کرنے والا ملزم انیس اقبال گرفتار کرلیا۔

سی پی او محمد احسن یونس نے واقعہ کا نوٹس لیتے ہوئے ملزم کی فوری گرفتاری کے احکامات دیےتھے۔ دوران گرفتاری ملزم نے پولیس پر فائر کرنے کی کوشش کی جس دوران ملزم کو اپنے ہی پسٹل سے دائیں کلائی پر فائر لگا۔ pic.twitter.com/2J2jHdW9ow

— Rawalpindi Police (@RwpPolice) June 25, 2021

خیال رہے کہ ملزم نے راہ چلتی لڑکی سے پرس چھینا تھا۔ ملزم نے واردات کے دوران اس زور سے دھکا دیا کہ لڑکی زمین پر گر پڑی۔ پولیس نے لڑکی کے بھائی کی مدعیت میں ملزم کے خلاف مقدمہ درج کرلیا ہے۔

یہ بھی پڑھیں: نئی نویلی دلہن نے سسرال پہنچتے ہی دلہا کو تھپڑ رسید کردیا۔۔۔۔ وجہ کیا بنی؟