تمیز کے دائرے میں رہ کر تنقید کریں ۔۔اداکارہ مریم نفیس کا علی امین گنڈاپور کو جواب

(ما نیٹرنگ ڈیسک)  اداکارہ و ماڈل مریم نفیس نے وفاقی وزیر برائے کشمیر امور علی امین گنڈا پور کے مسلم لیگ ن کی مر کزی رہنما  مریم نواز سے متعلق دیے گئے بیان پر شدید ردعمل کا اظہار کیا ہے۔

تفصیلا ت کے مطابق مریم نفیس نے انسٹاگرام پر لکھا کہ میں نے اس لیے پی ٹی آئی کو ووٹ نہیں دیا تھا۔ہم خواتین اس لیے اپنے حقوق کی جنگ لڑ رہی ہیں کیونکہ دنیا میں آپ جیسے مرد موجود ہیں، آپ کیسے ایک عورت سے اس طرح بات کر سکتے ہیں۔

یہ بھی پڑھیں:کر کٹر ندا ڈار سے متعلق متنازعہ بیان کے بعد عبدالرزاق کا ایک اور تہلکہ خیز انکشاف

 تمیز کے دائرے میں رہ کر تنقید کریں، آپ کو معافی مانگنی چاہیے یا پھر اپنے عہدے سے استعفیٰ دے دیں، ہمیں اپنا ملک چلانے کیلئے آپ جیسے لوگوں کی ضرورت نہیں ہے۔اداکارہ نے اپنی ایک اور سٹوری میں کہا کہ تنقید تمیز سے بھی کی جاسکتی تھی، مجھے علی امین گنڈاپور نے بہت مایوس کیا کیونکہ میں سمجھتی تھی کہ پاکستان تحریک انصاف دوسری پارٹیوں سے مختلف ہے، مجھے لگتا تھا یہ لوگ پڑھے لکھے اور تمیزدار لوگ ہیں۔

یا د  رہے کہ علی امین گنڈا پور نے آزاد کشمیر انتخابی جلسے سے خطاب کے دوران مریم نواز کو تنقید کا نشانہ بناتے ہوئے ان پر ذاتی حملے کیے تھے۔

یہ بھی پڑھیں:نکا ح کے با وجو د رخصتی کیو ں نہ ہو سکی ۔۔ٹک ٹاکر ز ذوالقرنین اور کنول آفتاب کا اہم انکشاف۔۔ویڈیو وا ئرل