ڈور  پھرنے سے3 افراد زخمی،سی سی پی او نے رپورٹ طلب کرلی

(24نیوز) لاہور کے مختلف علاقوں میں پتنگ کی ڈور پھرنے سے دو بچوں سمیت تین افراد زخمی ہوگئے۔

تفصیلات  کے مطابق فیروز پور روڈ پر جنرل ہسپتال کے باہر کٹی پتنگ کی ڈور پھرنے سے 14 سالہ ریحان اور 8 سالہ حسنین زخمی ہو گئے، ریحان کو طبی امداد دے کر فارغ کر دیا گیا جب کہ حسنین کو ہسپتال منتقل کر دیا گیا۔ لاہور میں ڈور پھرنے کا دوسرا واقعہ یاد گار فلائی اوور پر پیش آیا جہاں 21 سالہ موٹر سائیکل سوار سہیل محبوب ہاتھ اور چہرے پر ڈور پھرنے سے زخمی ہوگیا۔

واضح رہے کہ پتنگ بازی پر حکومت کی طرف سے پابندی عائد ہے ۔سی سی پی او غلام محمود ڈوگر نے واقعات کا نوٹس لیتے ہوئے سپروائزری  افسران سے رپورٹ طلب کر لی ہے۔ترجمان پولیس کے مطابق رواں سال پتنگ بازی پر 20 مقدمات درج ہوئے۔