آسٹریلوی کرکٹ ٹیم کے کپتان مچل مارش کیخلاف بھارت میں مقدمہ درج

(24 نیوز ) ورلڈ کپ فائنل میں ٹورنامنٹ کی ناقابل شکست اور ٹائٹل کیلئے فیورٹ قرار دی جانے والی بھارتی کرکٹ ٹیم کو اسی کے ہوم گراؤنڈ میں شکست دینے والی آسٹریلوی کرکٹ ٹیم کے کپتان مچل مارش کیخلاف نئی دہلی میں  مقدمہ  درج کر لیا گیا ۔ 

میڈیا رپورٹس کے مطابق مچل مارش  کیخلاف پنڈت کیشو نامی ایک ایکٹیوسٹ نے دہلی گیٹ پولیس اسٹیشن میں مقد مہ درج کرادیا ہے۔  ایف  آئی آر کی ایک نقل بھارتی وزیراعظم نریندر  مودی کو بھی  ارسال کی  گئی ہے جس میں ان سے آسٹریلوی کھلاڑی کے  بھارت میں کھیلنے پر پابندی عائد کرنے کا مطالبہ کیا گیا ہے، مچل مارش  کے خلاف  ایف آئی آر کی بنیاد ان  کی وہ تصویر ہے جس میں وہ ورلڈ کپ کی ٹرافی پر ٹانگیں جمائے پوز دے رہے ہیں۔

An FIR was lodged against Australian cricketer #MitchellMarsh in Aligarh, UP

The complaint was filed by RTI activist Pandit Keshav, alleging that Marsh's actions of dropping legs on the World Cup trophy had offended the sentiments of Indian cricket team fans

He also forwarded a… pic.twitter.com/mxNXGBBBqi

— Daily Culture (@DailyCultureYT) November 24, 2023

واضح رہے کہ آسٹریلیا  نے ون ڈے کرکٹ ورلڈ کے فائنل میں بھارتی ٹیم کو چھ وکٹوں سے ہرا دیا تھا۔ ٹورنامنٹ کے دوران ناقابل شکست رہنے والی بھارتی ٹیم کی فائنل میں غیر متوقع شکست  نے بھارتیوں  کے ورلڈ چیمپیئن بننے کا خواب چکنا چور کردیا تھا، ابھی وہ اس صدمے سے سنبھلے بھی نہیں تھے کہ مچل مارش کی اس تصویر نے ان کے زخموں پر نمک پاشی کردی جس میں وہ ورلڈ کپ ٹرافی پر ٹانگیں جمائے اور فاتحانہ انداز میں ہاتھ اٹھا کر پوز دے رہے تھے۔

مچل مارش کی اس وائرل تصویر نے بھارتیوں کو چراغ پا کردیا ہے اور وہ آل راؤنڈر  کی اس حرکت کو ٹرافی کی بے توقیری کے ساتھ ساتھ ایک ارب 40 کروڑ بھارتیوں کی تذلیل سے  تعبیر کررہے ہیں۔

اسی بنیاد پر پنڈت کیشو  نامی شخص نے مچل مارش کے خلاف  مقدمہ درج کرادیا ہے اور وزیراعظم نریندر مودی  سے آسٹریلوی کھلاڑی کے  بھارت میں کھیلنے پر پابندی عائد کرنے کا مطالبہ کیا ہے۔