ٹیسٹ میں تیز ترین سنچری پرسعید انور نے کیا کہا؟مصباح الحق نےبڑا انکشاف کر دیا

 (ویب ڈیسک )سابق کپتان مصباح الحق نے ٹیسٹ میچ میں تیز رفتر سنچری اسکور کرنے کی دلچسپ کہانی بیان کردی ہے۔

سابق کپتان مصباح الحق نے کہا کہ  سٹیو  سمتھ مجھے دو مرتبہ آؤٹ کرچکا تھا میرے ذہن میں تھا کہ اس سے کیوں آؤٹ ہوگیا اب دوسرے میچ میں یہ سامنے آئے گا تو حساب برابر کروں گا۔

انہوں نے کہا کہ خیر اس نے مجھے اس میچ میں بھی آؤٹ کردیا تھا لیکن پیٹر سڈل نے کیچ ڈراپ کردیا، جب بیٹنگ کے لیے گیا تو بولنگ اسمتھ ہی کررہا تھا، رنز کرنے تھے مارنا شروع کیا تو ریکارڈ بن گیا جس کا مجھے علم ہی نہیں تھا۔

مصباح الحق نے کہا کہ مجھے یاد ہے کہ ریکارڈ بننے کے بعد سعید انور نے کال کی اور کہا کہ مبارک ہو مجھے پتا چلا ہے کہ تم نے ویوین رچرڈز کا ریکارڈ برابر کردیا ہے۔

Misbah-ul-Haq shares a funny story about the fastest Test hundred record:

“I received a call from Saeed Anwar congratulating me, who said, ‘I’ve lost faith in cricket now. I have acknolwedged that cricket is by chance if you’ve levelled Viv Richards record!”????????

[Zalmi Tv] https://t.co/yjK4DscPhj pic.twitter.com/rIIAf9plLZ

— Pavilion Post (@CricinsightsX) May 23, 2026

 سابق کپتان نے بتایا کہ سعید بھائی نے مذاق میں یہ بھی کہا کہ ’میرا تو کرکٹ سے اعتبار ہی اٹھ گیا ہے، آج میں نے واقعی یہ بات مان لی ہے کہ کرکٹ بائے چانس ہے اب یہ ہوگا کہ ویوین رچرڈز کا ریکارڈ تم نے برابر کردیا ہے۔ 

انہوں نے کہا کہ میں سعید انور کی بات پر مسکرانے لگ گیا اور کہا کہ اب بالکل ٹھیک کہہ رہے ہیں۔