نواز شریف نے ملکی عدالتی نظام پر سوالیہ نشان اٹھا دیا

(24 نیوز) سابق وزیر اعظم نواز شریف نے موجودہ ملکی عدالتی نظام پر سوالیہ نشان اٹھا دیا ہے۔

پاکستان مسلم لیگ ن کے قائد اور سابق وزیر اعظم پاکستان میاں محمد نواز شریف نے موجودہ ملکی نظام انصاف سے متعلق سماجی رابطوں کی ویب سائیٹ ٹوئٹڑ پر پیغام جاری کر دیا ہے۔

یہ بھی پڑھیں: ایک اور رہنما نے پی ٹی آئی کو خیر آباد کہہ دیا

عدلیہ نے نظریہ ضرورت ایجاد کیا
ڈکٹیٹروں کو خوش آمدید کہا
آمریت کو قانونی جواز فراہم کیا
لاڈلے کو صادق و امین کا سرٹیفکیٹ دیا
جبکہ منتخب وزیراعظموں کو پھانسی دی
جھوٹے مقدموں میں جیلوں میں ڈالا
بیٹے سے تنخواہ نہ لینے پر تاحیات نااہل کیا
اور اب بینچ فکسنگ کر کے آئین کو…

— Nawaz Sharif (@NawazSharifMNS) May 24, 2023

انہوں نے اپنے پیغام میں لکھا کہ ’’عدلیہ نے نظریہ ضرورت ایجاد کیا،  ڈکٹیٹروں کو خوش آمدید کہا،  آمریت کو قانونی جواز فراہم کیا،  لاڈلے کو صادق و امین کا سرٹیفکیٹ دیا  جبکہ منتخب وزیراعظموں کو پھانسی دی،  جھوٹے مقدموں میں جیلوں میں ڈالا،  بیٹے سے تنخواہ نہ لینے پر تاحیات نااہل کیا اور اب بینچ فکسنگ کر کے آئین کو  ری رائٹ  کیا،  یہ بدقسمتی ہے کہ ہمارا نظامِ انصاف دنیا میں 140 میں سے  129 نمبر پر ہے مگر ہمارے چند معزز، عزت مآب جج صاحبان بضد ہیں کہ ہم نے ہر صورت 140 ویں  نمبر پر ہی پہنچنا ہے۔