متحدہ عرب امارات میں موسلادھار بارش، سڑکیں زیرِ آب آگئیں

 (ویب ڈیسک )متحدہ عرب امارات میں موسلادھار بارش سے جل تھل ایک ہوگیا۔

متحدہ عرب امارات کے مختلف حصوں میں موسلادھار بارش ریکارڈ کی گئی جس کے سبب سڑکیں زیر آب آگئیں۔

الإمارات : الان أمطار مع برق ورعد على أبوظبي #أخبار_الإمارات #منخفض_العزم #مركز_العاصفة
24/03/2026 pic.twitter.com/HY1bQeNmSr

— مركز العاصفة (@Storm_centre) March 24, 2026

ریاست عجمان کے علاقے المنامہ میں سب سے زیادہ بارش ریکارڈ کی گئی جب کہ ابوظبی کے علاقے غیاثی، الوثبہ اور محمد بن زاید سٹی میں شدید بارش سے پانی جمع ہوگیا۔

ادھر دبئی، العین سٹی ، فجیرہ اور راس الخیمہ میں بھی بارش کا طاقتور سلسلہ جاری ہے۔

 اماراتی محکمہ موسمیات نے   بارش کی نئی وارننگ جاری کرتے ہوئے بتایا کہ 27 مارچ تک بارش کا سلسلہ جاری رہے گا۔

محکمہ موسمیات کے مطابق آج رات عرب امارات کے مختلف علاقوں میں مزید بارش متوقع ہے اور رات کو ساحلی علاقوں میں بارش کی شدت بڑھ سکتی ہے۔