امریکا جانے والے غیر ملکیوں پر 250 ڈالر کی اضافی ویزا فیس عائد

(ویب ڈیسک)امریکا نے نان امیگرنٹ ویزا حاصل کرنے والے تمام غیر ملکیوں پر نئی ویزا فیس عائد کر دی ، اب ہر درخواست گزار کو 250 امریکی ڈالر اضافی ادا کرنا ہوں گے۔
امریکی میڈیا کے مطابق یہ اضافی رقم سیاحت، کاروبار یا تعلیم کی غرض سے عارضی طور پر امریکا آنے والوں سے وصول کی جائے گی،’’سیفٹی ڈپازٹ‘‘ کے طور پر لی گئی یہ رقم  صرف انہی افراد کو واپس کی جائے گی جو ویزا کی تمام شرائط پر عمل کرتے ہوئے مقررہ مدت کے اندر واپس چلے جائیں گے۔
قانونی ماہرین کا کہنا ہے کہ یہ نیا قانون’’ون بگ بیوٹی فل بل ایکٹ‘‘ کے تحت نافذ کیا گیا ہے،تاہم 250 ڈالرز کی واپسی خود کار نہیں ہوگی بلکہ درخواست گزار کو شواہد کے ساتھ یہ ثابت کرنا ہوگا کہ انہوں نے ویزا کی تمام شرائط پوری کی ہیں۔

یہ بھی پڑھیں:سعودی عرب کا ختم شدہ وزٹ ویزوں میں توسیع کا اعلان
فی الحال یہ واضح نہیں کہ فیس کی واپسی کا طریقہ کار کیا ہوگا، تاہم امریکی حکومت کی جانب سے اس پالیسی کو جلد نافذ کیے جانے کی توقع ہے۔