اداکارہ مہوش حیات بھی فلسطین کی حمایت میں بول پڑیں
Stay tuned with 24 News HD Android App
(سید زبیر) پاکستانی اداکارہ مہوش حیات نے مانچیسٹر میں منعقدہ پاکستان ایوارڈ تقریب سے خطاب کرتے ہوئے عالمی برادری سے غزہ میں جاری اسرائیلی بربریت کے خلاف آواز اٹھانے کی اپیل کر دی۔
اداکارہ مہوش حیات کا کہنا تھا کہ غزہ میں جو کچھ ہو رہا ہے وہ دیکھ کر خوشی محسوس کرنا مشکل ہے، داغدار خاموشی اتنی ہی خطرناک ہے جتنا کہ بولنا۔ میں دیکھ رہی ہوں کہ مائیں اپنے بچوں کو کھو رہی ہیں۔ جن ماؤں نے اپنے بچے کھوئے اُن کے آنسوؤں اور درد کی کوئی سرحد نہیں ہے۔
اداکارہ کا کہنا تھا کہ غزہ میں ہر بچے کی زندگی خطرے سے دوچار ہے۔ غزہ کے لوگوں کو خوراک اور دوائیوں کے ساتھ ہسپتالوں کی ضرورت ہے۔ غزہ اور فلسطین میں جاری ظلم و زیادتی کو ختم کرنے کی ضرورت ہے۔ میں نفرت کو شکست دینے کیلئے اور ہمدردی کیلئے دعا کرتی ہوں۔
مزید پڑھیں: عاطف اسلم نے فلسطینیوں کیلئے 15 ملین عطیہ کردیے
اُن کا مزید کہنا تھا کہ مجھے سچ میں یقین ہے کہ اگر ہمارے دل کھول کر انسانیت کو ایک دوسرے سے دیکھیں تو یہ واقعی ممکن ہو جائے گا۔ خوف پر قابو پانے کی ہمت کیلئے آئیے اپنی آوازوں کو صرف امن اور انسانیت سے محبت کے منصفانہ لفظ کی تعمیر کیلئے استعمال کریں۔