و یسٹ انڈیز نے کرکٹ کا نیا فارمیٹ متعارف کر وا دیا

(ویب ڈیسک )ویسٹ انڈین کرکٹ بورڈ نے ٹی 10 کرکٹ کا نیا فارمیٹ "6 ٹی" متعارف کرادیا ہے ،ویسٹ انڈیز کرکٹ بورڈ کا کہنا ہے کہ 10،10اوورز  فی اننگز  کے اس نئے فارمیٹ سے کھیل میں مزید تیزی آئے گی۔

تفصیلات کے مطابق کرکٹ ویسٹ انڈیز نے "6 ٹی "کے دلچسپ قوانین بھی جاری کردیے ہیں جس کے مطابق 60 بالز فی اننگز کے میچ میں چھٹی وکٹ گرنے پر اننگز تمام ہوجائے گی۔10 اوورز میں سے 2  اوورز پاور  پلے ہوں گے،  پہلی بارہ گیندوں پر 2چھکے لگا کر  تیسرا  پاور پلے اوور لیا جاسکتا ہے۔

قوانین کے مطابق پہلی 30 گیندیں ایک اینڈ سے پھر دوسری 30 گیندیں اگلے اینڈ سے پھینکی جائیں گی۔

The 6IXTY IS HERE!????
Welcome to Cricket's Power Game - the world's newest and most exciting format! @6ixtycricket #The6ixty pic.twitter.com/I5G1gKMyiE

— Windies Cricket (@windiescricket) June 22, 2022

اگر مقررہ وقت تک 54 گیندیں نہ کرائی گئیں تو آخری چھ گیندوں کیلئے ایک فیلڈر کم ہوجائے گا۔فینز "مسٹری فری ہٹ"کیلئے ووٹ کریں گے، اس گیند پر بیٹر کو آؤٹ نہیں کیا جاسکے گا۔کرکٹ بورڈ کے مطابق ویسٹ انڈیز میں "6 ٹی" کا پہلا ایڈیشن 24 سے 28 اگست تک ہوگاجس میں 6 ٹیمیں شریک ہوں گی، ایونٹ میں دنیا بھر سے کھلاڑی ایکشن میں ہوں گے۔