کورونا وائرس کا شکار مزید 2 افراد جان کی بازی ہار گئے

(ویب ڈیسک) ملک بھر میں گزشتہ 24 گھنٹوں کے دوران کورونا وائرس سے مزید 2 مریض انتقال کرگئے جب کہ 121 نئے کیس رپورٹ ہوئے ہیں۔

قومی ادارہ صحت کے مطابق گزشتہ 24 گھنٹوں کے دوران ملک بھر میں 13 ہزار 9 سو 45 ٹیسٹ کیے گئے جس میں سے 121 میں کورونا وائرس کی تصدیق ہوئی اور شرح 0.87 فیصد رہی۔ ملک بھر میں اس وقت کورونا کے مریضوں کی تعداد 5 ہزار 1 سو 17 ہے۔

COVID-19 Statistics 22 September 2022
Total Tests in Last 24 Hours: 13,945
Positive Cases: 121
Positivity %: 0.87%
Deaths: 02
Patients on Critical Care: 72

— NIH Pakistan (@NIH_Pakistan) September 22, 2022

این آئی ایچ کے مطابق ملک بھر کے مختلف اسپتالوں میں کورونا سے متاثرہ 72 مریضوں کی حالت تشویشناک ہے۔

قومی ادارہ صحت کے اعداد وشمار کے مطابق ملک بھر میں اب تک مجموعی طور پر 15 لاکھ 71 ہزار 8 سو 94 افراد کورونا وائرس سے متاثر ہوئے جن میں سے 15 لاکھ 36 ہزار 1 سو 70 مریض صحتیاب ہوچکے جب کہ مجموعی اموات کی تعداد 30 ہزار 6 سو 7 ہوچکی ہے۔