قومی آل راؤنڈر عامر جمال کی ننھی شہزادی انتقال کرگئی

( ویب ڈیسک ) قومی کرکٹر عامر جمال کی نومولود صاحبزادی انتقال کرگئی۔

 سماجی رابطے کی ویب سائٹ ایکس (سابقہ ٹوئٹر)  پر عامر جمال نے نومولود کاہاتھ تھامے ایک تصویر شیئر کرتے ہوئے  افسوسناک خبر  دی۔

شیئر کی گئی تصویر کے ہمراہ عامر جمال نے ٹوئٹ کی ’ اللہ کی طرف سے اللہ کی طرف ‘ ۔

 عامر جمال کی ٹوئٹ میں درج تھا کہ ’میری ننھی شہزادی میں آپ کو زیادہ دیر تک نہیں سنبھال سکا، ماں اور بابا آپ کو یاد کریں گے۔

“From Allah , to Allah”
I couldn’t hold you longer my lil Angel
Baba&mama will miss you ????
May you stay on highest ranks in Heaven ???? pic.twitter.com/j367GOs8VQ

— Aamir Jamal (@iaamirjamal) October 22, 2025

پاکستانی کرکٹر نے اپنی ٹوئٹ میں بیٹی کیلئے دعا کرتے ہوئے مزید لکھا کہ ’اللہ آپ کو جنت میں اعلیٰ مقام عطا فرمائے‘۔ تاہم فی الحال  بچی کے انتقال کی وجہ سامنے نہیں آسکی ہے۔

دوسری جانب کرکٹر کی ٹوئٹ پر مداحوں سمیت اسپورٹس شخصیات بھی افسوس کا اظہار کرتے ہوئے والدین کیلئے صبر کی دعا کررہے ہیں ۔

 پاکستانی ویمن ٹیم کی سابق  کپتان ثنا میر نے عامر جمال کی ٹوئٹ پر افسوس کا اظہار کرتے ہوئے ان کی اہلیہ  سمیت ان کیلئے بھی صبر کی دعا کی۔