سعودی شاہی خاندان کے حوالے سے افسوسناک خبر

Jul 22, 2021 | 15:57:PM
سعودی شاہی خاندان کے حوالے سے افسوسناک خبر

     (مانیٹرنگ ڈیسک) سعودی شاہی خاندان کے لیے افسوسناک خبر ہے کہ شہزادی نوف بنت خالد بن عبداللہ بن ‏عبدالرحمٰن آل سعود انتقال کر گئیں، ایوان شاہی کی جانب سے منگل کو بیان جاری کر کے شہزادی کے انتقال کی خبر دی گئی۔

شہزادی نوف بنت خالد بن عبداللہ بن عبدالرحمٰن آل سعود، شاہ سلمان بن عبدالعزیز کے سب سے ‏بڑے بیٹے شہزادہ فہد بن سلمان کی بیوہ تھیں۔ شہزادہ فہد کا انتقال 46 برس کی عمر میں 2001 میں ہوا تھا۔شاہی اعلامیہ میں کہا گیا ہے کہ شہزادی نوف کی نماز جنازہ بدھ کے روز ریاض کی امام ترکی جامع ‏مسجد میں ادا کی جائے گی۔

 واضح رہے کہ مطابق شہزادی کے انتقال پر عوامی شخصیات اور سوشل میڈیا پر لوگوں نے رنج و غم کا اظہار کرتے ہوئے ‏مرحومہ کے ‏لیے دعائے مغفرت کی ہے۔یکم فروری کو شہزادی نورہ بنت فہد بن محمد بن عبدالرحمٰن انتقال کر گئی تھیں۔شہزادی نورہ کے والد شہزادہ فہد بن محمد بن عبدالرحمٰن بن فیصل آل سعود تھے، یہ شہزادہ ‏محمد بن ‏عبدالرحمٰن آل سعود کے دوسرے بیٹے اور شہزادہ خالد بن محمد بن عبدالرحمٰن کے ‏سگے بھائی تھے۔

یہ بھی پڑھیں:شاہ رخ خان سے ملاقات کا جھانسہ۔۔سمگل کی جانیوالی لڑکی بازیاب