لاہور میں بارش موسم سرد ہو گیا،محکمہ موسمیات کی مزید بارش کی پیشگوئی

(24نیوز) لاہور میں بارش ہو گئی۔ میٹ ڈیپارٹمنٹ نے آج مزید بارش کی فورکاسٹ کر رکھی ہے۔  بعض علاقوں میں شام سات بجے بوندا باندی ہو رہی ہے۔ مزید بارش رات دس سے گیارہ بجے کے دوران شروع ہونے کی توقع کی جا رہی ہے۔ یہ بارش رات گئے تک جاری رہ سکتی ہے۔

آج جمعرات  22 جنوری کو دن کے دوران لاہور میں آسمان پر بادل تو آ گئے، دوپہر بہت ابر آلود رہی لیکن بارش کیلئے شہریوں کو شام سورج ڈھلنے تک انتظار کرنا پرا۔ 

 بارش آج رات دس بجے کے لگ بھگ تیز ہونے اور رات تک جاری رہنے کی توقع ہے۔
آج کی بارش کے لئے میٹ ڈیپارٹمنٹ نے کل فورکاسٹ کی تھی۔ 

آج شام کو شہر میں کہیں کہیں پانی کی دو چار بوندیں برسی تھیں، سورج ڈھلنے کے بعد مزید کچھ بارش ہوئی۔ اس وقت بیشتر علاقوں میں بارش رکی ہوئی ہے لیکن آسمان پر گہرے بادل موجود ہیں۔ کہیں کہیں ہلکی پھوار پڑ رہی ہے۔توقع کی جا رہی ہے کہ رات کو نصف شب سے پہلے  بیشتر علاقوں میں ہلکی پھوار  موسلادھار بارش میں بدل جائے گی۔
معمولی بارش کے آغاز سے پہلے بھی آج لاہور میں ٹمپریچر قدرے کم تھا کیونکہ کہیں ہلکی، کہیں تیز ہوا چلی رہی تھی۔ اس وقت ٹمپریچر تقریباً 17° سیلسئیس ہے اور یہ نیچے کی طرف جا رہا ہے۔ ماحول خوشگوار ہے تاہم رات کو خنکی قدرے بڑھنے کا امکان ہے۔
آج  دوپہر کو لاہور میں ٹمپریچر  بڑھتے بڑھتے  21° سیلسئیس تک گیا تھا، اس کے بعد یہ مسلسل کم ہو رہا ہے۔

یہ بھی پڑھیئے: 23 جنوری تک پنجاب کے بیشتر اضلاع میں بارشوں کی پیشگوئی 
بارش کا امکان: شام اور رات کے اوقات میں 75% سے 85% تک بتایا جا رہا ہے۔
اس وقت شہر کے بیشتر حصوں میں ہوا نمی تقریباً 56–61%  یا اس سے بھی زیادہ ہے۔
رات ڈھلنے کے ساتھ موسم کی حالت کا امکان بتایا جا رہا ہے۔
شام 7:00 بجے  کچھ علاقوں میں معمولی بارش شروع ہو نے کا امکان ہے۔
رات نو بجے 9:00 PM درمیانی بارش ہونے کا  90 فیصد امکان ہے۔ اور رات دس بجے سے گیارہ بجے کے دوران بارش ہونے کا امکان مزید بڑھ جائے گا۔ 

دسمبر اور جنوری کے دوران لاہور شہر میں بارش نہ ہونے کے برابر رہی۔ ان  خشک دنوں کے دوران بہت دنوں تک لاہور کے آسمان پر بادل رہے لیکن بارش نہیں برسی تھی۔ 

طویل خشک موسم نے لاہور میں حساس شہریوں کو صحت کے مسائل سے دوچار کئے رکھا تاہم سردی قدرے کم رہنے کے سبب شہریوں کے بیمار پڑنے کے واقعات کم دیکھنے میں آئے۔

 جنوری کے دوسرے ہفتے سردی میں اضافہ کی فورکاسٹ آتے ہی پنجاب کی حکومت نے بچوں کو بیمار پڑنے سے بچانے کے لئے سردیوں کی چھٹیوں میں مزید ایک ہفتے کا اضافہ کر دیا تھا۔

کل جمعہ کے روز  لاہور کےموسم کی فورکاسٹ
کل (جمعہ، 23 جنوری) کو  بارش اور بوندا باندی کا امکان صبح کے  وقت سے صبح تقریباً گیارہ بجے تک رہے گا۔دوپہر تک مطلع صاف ہونے کا آغاز ہو سکتا ہے۔ 

جمعہ کے بعد

کل جمعہ کا دن گزرنے کے بعد موسم کے مستحکم ہونے کی توقع ہے۔ یعنی24 جنوری - 26 جنوری کے دوران  بارش کے کم امکان کے ساتھ آسمان صاف کرنے کے لیے زیادہ تر ابر آلود  رہے گا۔27 جنوری (منگل): اگلے منگل کو ثانوی ہلکی بارش کی پیش گوئی کی گئی ہے۔اس کے بعد    ایک بار پھر بارش کے بگیر دن اور راتیں ہوں گی اور ماحول میں خنکی قدرے کم رہے گی۔

سڑکوں پر پھسلن سے بچیئے

 پنجاب ڈیزاسٹر مینجمنٹ اتھارٹی (PDMA) نے لاہور ڈویژن میں بارش کے لیے الرٹ جاری کیا ہے، ممکنہ پھسلن والی سڑکوں کی وارننگ دی ہے اور شہریوں کو غیر ضروری سفر سے گریز کرنے کا مشورہ دیا ہے۔
ہوائیں: آج شام لاہور میں جنوب مشرقی ہوائیں 11-15 میل فی گھنٹہ کی رفتار سے چل رہی ہیں، آج رات بارش کے دوران 30-40 میل فی گھنٹہ کی رفتار سے جھونکے کے ساتھ ہوائیں چلنے کا امکان ہے۔ اس دوران گھر سے باہر نکلنے والے سر اور سینے کو اچھی طرح ڈھانپ لینے کا اہتمام کرنا نہ بھولیں۔
ریئل ٹائم بصری اپ ڈیٹس کے لیے، آپ لاہور ویدر ریڈار کو دیکھ سکتے ہیں۔

یہ بھی پڑھیئے: ملک کے مختلف شہروں میں بادل برسنے کو تیار ,محکمہ موسمیات نے پیشگوئی کر دی  

یہ بھی پڑھیئے: انڈر 19 ورلڈ کپ: پاکستان زمبابوے کو ہرا کر سپر 6 مرحلے میں پہنچ گیا