اداکار عمران اشرف کی سابقہ اہلیہ دوسری شادی سے متعلق کھل کر بول پڑیں

(ویب ڈیسک) اداکار عمران اشرف کی سابقہ اہلیہ ماڈل اور اداکارہ کرن اشفاق نے کہا ہے کہ انہوں نے طلاق نہیں لی انہیں طلاق دی گئی ہے۔
حال ہی میں اداکارہ کرن اشفاق نے انسٹاگرام پر مداحوں کے ساتھ گفتگو کرنے کیلئے سوال جواب کا سیشن رکھا جو کہ سوشل میڈیا پر خوب وائرل ہو رہا ہے۔اس سیشن میں عمران اشرف کی سابقہ اہلیہ نے مداحوں کے نجی معاملاتِ زندگی سے جڑے تمام سوالات کا بھی جواب دیا جن میں ان کی طلاق کا موضوع زیادہ زیر بحث رہا۔اداکارہ نے مداحوں کے سوالوں کے جواب دیتے ہوئے یہ انکشاف بھی کیا کہ انہوں نے عمران اشرف سے طلاق لی نہیں ہے بلکہ انہیں طلاق دی گئی ہے۔
ایک مداح نے سوال کیا کہ کیا عمران اشرف نے انہیں بولڈ ہونے کی وجہ سے چھوڑ دیا؟ جس پر اداکارہ نے جواب دیا کہ میں شادی سے پہلے زیادہ بولڈ تھی اور شادی کے بعد شوہر کی خواہش پر خود کو تبدیل کر لیا تھا۔ساتھ ہی عمران اشرف کی سابقہ اہلیہ نے یہ بھی کہا کہ مرد اچھا ہوتو اس کےلئے سب کچھ چھوڑا جاسکتا ہے۔ دوسری شادی کے حوالے سے پوچھے گئے سوال پر کرن اشفاق نے کہا کہ جب نصیب ہوگا تب دوسری شادی کر لیں گی۔

یہ بھی پڑھیں: پی ایس ایل 8 ، ایک ہی میچ میں دوسرا ریکارڈ ٹوٹ گیا