سندھ کابینہ کا اجلاس، سالانہ ماہی گیری پابندی میں 15 دن کی نرمی منظوری
Stay tuned with 24 News HD Android App
(24 نیوز)سندھ کابینہ نے سالانہ ماہی گیری پابندی میں 15 دن کی نرمی کی منظوری دے دی ہے۔
ترجمان وزیرِ اعلیٰ سندھ کا کہنا ہے کہ یکم جون سے 15 جون 2026ء تک ماہی گیری کی اجازت ہو گی۔
محکمۂ لائیو اسٹاک و فشریز کی سمری کابینہ نے منظور کر لی ہے۔
اجلاس کے دوران بریفنگ دی گئی کہ سالانہ ماہی گیری پابندی یکم جون سے 31 جولائی تک نافذ ہوتی ہے۔
مزید پڑھیں:آٹے کے بعد روٹی بھی مہنگی،شہری تلملااٹھے
کابینہ نے فیصلہ کیا ہے کہ آبی حیات کے تحفظ کے لیے ماہی گیری پر موسمی پابندی برقرار رہے گی۔
وزیرِ اعلیٰ سندھ مراد علی شاہ کا کہنا ہے کہ ماہی گیر برادری کے مطالبات پر 15 روزہ نرمی دینے کا فیصلہ کیا ہے۔
اجلاس میں بتایا گیا ہے کہ 15 جون کے بعد ماہی گیری پر مکمل پابندی دوبارہ نافذ ہو گی۔
واضح رہے کہ مچھلی اور جھینگوں کی افزائشِ نسل کے باعث ہر سال جون اور جولائی میں ماہی گیری پر پابندی عائد کی جاتی ہے۔