ٹیپو ٹرکاں والے کے بیٹے امیربالاج ٹیپو کے قتل کا مقدمہ درج
Stay tuned with 24 News HD Android App
(وقاص احمد)لاہور کے تھانہ چوہنگ میں امیربالاج کے قتل کامقدمہ درج،مقدمہ مقتول کےبھائی مصعب کی مدعیت میں درج کیا گیا۔
ایف آئی آر کے مطابق مقدمے میں خواجہ عرف گوگی بٹ،خواجہ تعریف عرف طیفی سمیت 4نامعلوم افراد کو بھی نامزد کیاگیا۔مقدمہ کےمتن کے مطابق ملزمان نےخواجہ عقیل،خواجہ تعریف کی ایماپر قتل کیا،ملزمان نے 30سالہ خاندانی پرانی دشمنی پرقتل کیا۔
فائرنگ کا واقعہ گزشتہ رات چوہنگ کے علاقے میں پیش آیا تھا، مقتول امیر بالاج ڈی ایس پی سید اقبال کےبیٹےکےولیمےکی دعوت میں شریک تھے،فائرنگ سےعثمان اکبراورفردین بٹ زخمی ہوئے تھے،زخمی جناح ہسپتال میں زیر علاج ہیں۔ایک حملہ آوراپنے ہی ساتھیوں کی فائرنگ سے مارا گیا،مقدمہ قتل، اقدام قتل سمیت دیگر دفعات کے تحت درج کیا گیا۔
خیال رہے کہ گزشتہ رات قاتلانہ حملے میں جاں بحق ہونے والے امیر بالاج ٹیپو کی لاش پولیس نے پوسٹمارٹم کے بعد ورثاء کے حوالے کر دی،خاندانی ذرائع کے مطابق بالاج کی نماز جنازہ بعد از نماز عصر ادا کی جائےگی۔