شاہ رخ خان کو کس اداکار کی نئی فلم بے حد پسند آ گئی۔۔؟

(ویب رپورٹ)بھارتی فلم انڈسٹری کے نامور اداکار شاہ رخ خان کو فرحان اختر کی فلم ’طوفان‘بے حد پسند آئی ہے۔ شاہ رخ خان نے بالی ووڈ کے سکرین رائٹر جاوید اختر کے بیٹے اداکار فرحان اختر کو اپنے ٹویٹر پیغام میں ڈھیر ساری مبارکباد دی ہے۔

بھارتی ذرائع ابلاغ کے مطابق فرحان اختر کی فلم 'طوفان' 16 جولائی کو او ٹی ٹی پلیٹ فارم پر 'ایمیزون پرائم ویڈیو' پر ریلیزکی گئی ہے۔اس فلم میں فرحان اختر ، مرنال ٹھاکر اور پریش راول اہم کرداروں میں ہیں۔فلم کے ہدایتکار راکیش اوم پرکاش مہرہ ہیں۔شاہ رخ نے فلم طوفان اور فرحان اختر کی تعریف کرتے ہوئے ٹویٹ کیا ہے۔

Wish my friends @FarOutAkhtar @RakeyshOmMehra the best for their labour of love. I had the privilege to see it a few days back. Extremely fine performances by @SirPareshRawal (wow!) @mohanagashe @mrunal0801 @hussainthelal My review: we shld all try & make more films like Toofaan

— Shah Rukh Khan (@iamsrk) July 16, 2021

شاہ رخ خان نے اپنے آفیشل ٹویٹر ہینڈل سے فرحان کی فلم 'طوفان' کا ریویو کرتے ہوئے لکھا ہے "میرے دوست فرحان اختر اور راکیش اوم پرکاش مہرہ کو ان کی نئی فلم 'طوفان' کے لئے بہت بہت مبارکباد۔کچھ دن قبل مجھے یہ فلم دیکھنے کا اعزاز حاصل ہوا ہے۔یہ فلم انتہائی عمدہ کارکردگی کا مظاہرہ کررہی ہے۔فلم کے بارے میں میرا تجزیہ یہی ہے کہ ہم سبھی کو 'طوفان' جیسی فلم بنانے کی کوشش کرنی چاہئے اورایسی فلمیں زیادہ سے زیادہ بننی چاہیئں‘‘۔

یہ بھی پڑھیں: کورونا نے مزید 21 افراد کی جان لے لی، کیسز  کی مثبت شرح5.34فیصد