دنیا کا سب سے چھوٹا اصلی ریوالور۔۔قیمت بھی مناسب

(مانیٹر نگ ڈیسک)سوئس منی گن دنیا کا سب سے چھوٹا ’اصلی‘ ریوالور ہے جس سے گولیاں بھی فائر کی جاسکتی ہیں۔

تفصیلات کے مطابق اس کی قیمت 6,300 سوئس فرانک یعنی تقریباً بارہ لاکھ پاکستانی روپے بیان کی جا رہی ہے۔اس کی لمبائی 5.5 سینٹی میٹر، چوڑائی 3.5 سینٹی میٹر اور موٹائی صرف ایک سینٹی میٹر ہے جبکہ یہ صرف 19.8 گرام وزنی ہے۔ اس میں بھری جانے والی گولیاں بھی صرف 0.234 سینٹی میٹر لمبی جتنی ہوتی ہیں۔
اتنی مختصر جسامت کے باوجود اس میں اصل جسامت والے ڈبل ایکشن ریوالور کی تمام خصوصیات ہیں جن میں پوری طاقت سے گولی فائر کرنا بھی شامل ہے۔بندوقوں کے ماہرین کا کہنا ہے کہ اگر کسی شخص کے بہت قریب جا کر سوئس منی گن سے گولی فائر کی جائے تو وہ اس کی کھوپڑی میں سوراخ بھی کرسکتی ہے۔انہی خصوصیات کی وجہ سے امریکا اور برطانیہ میں اس ریوالور کی درآمد اور فروخت پر مکمل پابندی ہے۔’سوئس منی گن‘ بازار میں عام دستیاب نہیں بلکہ اسے آن لائن آرڈر کرکے ہی بنوایا جاتا ہے۔

اس کی تیاری میں 18 قیراط سونا استعمال کیا جاتا ہے جبکہ گولیوں کی 48 کارٹریجز اور دوسری چیزوں کے ساتھ اسے لکڑی کے ایک خوبصورت ڈبے میں بند کیا جاتا ہے۔

یہ بھی پڑھیں:ایک ہے نگار کےآفیشل ٹر یلر نے دھوم مچا دی۔۔ویڈیو وا ئرل