متنازع اداکارہ راکھی ساونت کا سلمان اور سہیل خان سے متعلق چونکا دینے وا لا انکشاف

(24 نیوز)بھارتی متنازع اداکارہ  راکھی ساونت نے کہا ہے کہ سلمان خان نے انہیں زبان پر قابو رکھنے کا مشورہ دیا ہے۔

راکھی ساونت نے اپنے ایک انٹرویو میں بالی وڈ اداکار سلمان خان اور سہیل خان کے بارے میں بات کرتے ہوئے کہا کہ ان دونوں بھائیوں نے میرا اس وقت ساتھ دیا جب مجھے کسی اپنے کی شدید ضرورت تھی۔راکھی ساونت نے کہا کہ سلمان خان اور سہیل خان نے میری ماں کے علاج میں بہت تعاون کیا اور میڈیا کے سامنے اس بات کا بالکل ذکر نہیں کیا بلکہ مجھے بھی منع کیا کہ میں یہ بات کسی سے نہ کروں۔بالی ووڈ اداکارہ نے کہا کہ سلمان خان نے ناصرف میری مالی مدد کی بلکہ بگ باس 14 کے گھر میں بھی میری خوب رہنمائی کی۔