ویکسین لگواﺅ۔۔14 لاکھ ڈالر کا فلیٹ آپ کا۔۔انعامات کی بارش شروع

  (24نیوز)تھائی لینڈ، انڈونیشیا اور ہانگ کانگ نے ویکسین لگوانے پر لاکھوں ڈالر کے فلیٹ سمیت قیمتی انعامات دینے کی پیش کش کردی۔
غیر ملکی خبر رساں ادارے کی رپورٹ کے مطابق کورونا وائرس سے بچانے کےلیے دنیا بھر میں ویکسینیشن کا سلسلہ شروع ہوچکا ہے لیکن جعلی پروپیگنڈوں اور افواہوں کے باعث کئی ممالک کے شہری ویکسین لگوانے سے گریز اں ہیں ۔شہریوں کو ویکسین لگوانے کےلیے ترغیب دلانے کےلئے تھائی لینڈ، انڈونیشیا اور ہانگ کانگ جیسی ریاستیں نے لاکھوں ڈالر مالیت کے فلیٹ سمیت قیمتی انعامات دینے کی پیش کش کررہی ہیں۔ہانگ کانگ میں اب تک کورونا وائرس کی صورتحال قابو ہے لیکن حکام کو تشویش ہے کہ اگر شہریوں نے ویکسین نہیں لگوائی تو وبا دوبارہ سے پھیلنے کا خدشہ ہے۔
ہانگ کانگ میں اپنا گھر بنانا انتہائی مشکل ہے کیوں کہ یہاں دو کمروں کا چھوٹا سا فلیٹ بھی 14 لاکھ ڈالر مالیت کا ہے اور ایک عام شہری کو فلیٹ خریدنے کےلئے اپنی 20 سال کی تنخواہ جمع کرنی پڑی ہے۔ہانگ کانگ حکومت نے شہریوں کو ویکسین کی جانب رغبت دلانے کےلیے ویکسین لگوانے والوں کو شاپنگ واؤچر، ہوائی سفر اور 14 لاکھ ڈالر مالیت کا فلیٹ دینے کی پیش کش کی ہے۔
اس کے علاوہ کچھ دفاتر میں ملازمین کو ویکسین لگوانے پر تنخواہ دے کر چھٹیوں پر بھیجا جا رہا ہے۔ایشیائی ملک تھائی لینڈ نے کے چیانگ مائی کے ضلع مئی چھیم میں، جہاں زیادہ تر رہائشی مویشیوں کا کاروبار کرتے ہیں، حکام نے رواں مہینے گائے کا انعام رکھا جو کہ کامیاب اقدام ثابت ہورہا ہے۔
سرکاری اعداد و شمار کے مطابق انڈونیشیا میں 19 لاکھ کورونا کیسز رپورٹ ہوئے اور اموات کی تعداد 53 ہزار 280 ہے، جس پر حکام کو شدید تشویش ہے لیکن شہری غلط افواہوں کے باعث ویکسین لگوانے سے شدید خوفزدہ ہیں۔حکومت ویکسین سے متعلق لوگوں میں پائے جانے والے خوف کو دور کرنے کےلئے کوششیں کررہی ہے۔
 یہ بھی پڑھیں۔ اپوزیشن نے ڈپٹی سپیکر قاسم سوری کیخلاف تحریک عدم اعتماد واپس لے لی