شادی سے انکار پر لڑکی سے شرمناک حرکت

(24 نیوز)شادی سے انکار پر لڑکی سے شرمناک حرکت ،بہیمانہ تشدد ،جنسی طور پر ہراساں کیا جاتا رہا ،وڈیو وائرل ہونے پر طوفان مچ گیا ۔

فیصل آباد میں شادی کی تجویز کو ٹھکرانے پر ایک شخص ساتھیوں  نے میڈیکل کی طالبہ خدیجہ محمود کو گھر سے اغوا کر لیا اور اپنی انا کی تسکین کے لیے اسے وحشیانہ تشدد کا نشانہ بنایا۔

تفصیلات کے مطابق ملزم دانش نے اپنی بیٹی عنا شیخ اور گارڈز کے ساتھ مل کر لڑکی کو گھر سے زبردستی اغوا کر لیا۔ملزمان لڑکی کو یونیورسٹی ٹاؤن فیصل آباد میں واقع اپنی رہائش گاہ پر لے گئے اور اسے زبردستی جوتے چاٹنے پر مجبور کیا جاتا رہا اور اس طرح کی توہین آمیز حرکت کی ویڈیو بنا ڈالی۔

استغفراللہ ۔۔۔یہ ہم کس معاشرے میں جی رہے ہیں چاہے اسکی غلطی تھی یا نہیں مگر اس حوا کی بیٹی کے ساتھ ایسا جانوروں جیسا سلوک کیسے کیا جاسکتا ہے@OfficialDPRPP pic.twitter.com/hZ11TqbGXr

— Ali Malik Advocate (@alijavedadv) August 16, 2022

انہوں نے اس پر تشدد بھی کیا اور بدلے میں اس کے بال بھی کاٹ دیے۔ تشدد، جوتے چاٹنے اور بال تراشنے کی ویڈیو سوشل میڈیا پر وائرل ہوگئی۔سی سی پی او فیصل آباد عمر سعید ملک نے واقعہ کا نوٹس لیتے ہوئے ملزمان کے خلاف ویمن تھانے میں مقدمہ درج کر لیا۔ پولیس نے مقدمہ میں ملوث 6 ملزمان دانش، ماہم، خان محمد، شعیب، فیضان اور اشغر کو گرفتار کرلیا۔

Punjab Police has arrested all the persons involved in #Faisalabad incident including #SheikhDanish's daughter #AnaDanish!

Well done @OfficialDPRPP @fsdpolice ???? pic.twitter.com/cSyevz1PeV

— Showbiz & News (@ShowbizAndNewz) August 17, 2022