کابل میں حالات معمول پر آنے لگے۔۔دکانیں کھل گئیں

Aug 17, 2021 | 16:14:PM
 کابل میں حالات معمول پر آنے لگے۔۔دکانیں کھل گئیں
Stay tuned with 24 News HD Android App
Get it on Google Play

(مانیٹرنگ ڈیسک) افغان دارالحکومت کابل میں حالات معمول پر آنے لگے، شہر میں دکانیں کھل گئیں۔ خواتین کو تعلیم اور روزگار کی اجازت دے دی گئی جبکہ افغان میڈیا پر خواتین اینکرز دوبارہ نظر آنے لگیں۔ طالبان نے نیوز اینکر کے ساتھ موجودہ صورت حال پر بات چیت کی۔
 طالبان نے افغانستان میں سرکاری ملازمین کیلئے عام معافی کا اعلان کر دیا۔ طالبان رہنمائوں کی طرف سے کہا گیا کہ کابل میں حالات نارمل ہیں، سرکاری ملازمین کام پر واپس آجائیں، سب کے لئے عام معافی ہے، اس لئے لوگ پورے اعتماد کے ساتھ معمول کی زندگی گزار سکتے ہیں۔
 بھارتی میڈیا کے مطابق بھارت نے کابل سے سفارتی عملے کے 120 ارکان کو واپس بلا لیا، بھارتی ائیرفورس کا خصوصی طیارہ عملے کو واپس لے کر بھارت پہنچ گیا۔ بھارتی وزیر داخلہ کا کہنا تھا کہ موجودہ صورت حال کے پیش نظر سفارت کاروں اور عملے کو فوری واپس بلا لیا، پناہ گزینوں کیلئے خصوصی ویزوں کا اجرا بھی کر دیا گیا۔
یہ بھی پڑھیں:ساڑھی میں ملبوس خاتون کی قلا بازیاں ۔۔ ویڈیو وائرل